Trafiko-istripu larri batean, ibilgailu barruan atera ezinik geratzen diren biktimak erreskatatzeko denbora mugatua da, segundo bakoitza premiazkoa da ondorio latzak ekiditeko.
Eskuarki, gaur eguneko autoak aztertzerakoan, erreskate taldeek 3 kontu ezberdin izaten dituzte kontuan: estruktura, segurtasun-osagaiak eta propultsio-energia. Hau da, erresitentzia handiko altzairuak, airbag sistemaren gas-sorgailuak, erregaiaren gordelekuak, bateriak edo elektrizitate zirkuitoak besteak beste.
Europa osoan, informazio gako guzti hori biltzen duen ekimenari “erreskate-orria” deitzen zaio. Automobil-fabrikatzaile guztiek behar hori ulertuz gero eta ibilgailu bakoitzak bere ezaugarri propioak izan arren, marrazki eta kolore estandarrak hitzartu dituzte arrisku-puntuak edo hornidurak eteteko aukerak ahalik eta azkarren eskuratzeko.
Orain, autoen jabeek orria A4 formatuan inprimatu eta gidariaren eserlekuko guardasolean jartzea besterik ez da geratzen.
40. sarrera.
