Ainhoa Mariezkurrena
Gu sortu ginen enbor beretik sortuko dira besteak. Ea sustraietara heltzen naizen…Patroi berdinetik josi gaituzte denoi. Egunero bizitako egoera ustelak normalizatu eta askotan idealizaturik bizi gara, engainuan. Lasai luzatu zidaten erratza behin emakume izateagatik. Lasai asko igo naiz gainera ni. Hemendik hobeki ikusten dira gauzak.
Azken bidalketak
Iruzkin berriak
- Kontuz baginan sartzen dugunarekin | EIBZko liburutegia(e)k Kontuz baginan sartzen dugunarekin bidalketan
- Dantza garaikidea: Gorputz adimentsuak | EIBZko liburutegia(e)k Dantza garaikidea: Gorputz adimentsuak bidalketan
- Ainhoa Mariezkurrena(e)k “Arazo fisikoen %99,9ak eragin emozionala du” bidalketan
- Iñaki Suinaga(e)k “Arazo fisikoen %99,9ak eragin emozionala du” bidalketan
Artxiboak
- 2020(e)ko uztaila
- 2018(e)ko azaroa
- 2018(e)ko martxoa
- 2017(e)ko urria
- 2017(e)ko iraila
- 2017(e)ko apirila
- 2017(e)ko martxoa
- 2017(e)ko otsaila
- 2017(e)ko urtarrila
- 2016(e)ko abendua
- 2016(e)ko azaroa
- 2016(e)ko iraila
- 2016(e)ko abuztua
- 2016(e)ko ekaina
- 2016(e)ko martxoa
- 2016(e)ko otsaila
- 2015(e)ko abendua
- 2015(e)ko ekaina
- 2015(e)ko martxoa
- 2014(e)ko abendua
- 2014(e)ko maiatza
- 2014(e)ko apirila
- 2014(e)ko otsaila
- 2014(e)ko urtarrila
- 2013(e)ko azaroa
- 2013(e)ko urria
Hilekoa, gizartearen txotxongiloa. 1/3
Atalak: Gorputza
Emakume bihurtu zara. Zenbat min eta zenbat traba. Zenbat isiltasun eta ikara, zenbat galdutako algarak. Alde batera laga, zikina eta nazkagarria da. Zein usain txarra. Zenbat lotsatzen gara. Estutu hankartea, ekidin ateratzea. Gelditu etxean. Sufritu eta aguantatu, ez dadila inor konturatu.
Gaixotasuna bada, hilekoa hau dela pentsatzea da.
Diana Fianovak emakumeen bizipen eta sentimenduetara bidaiatu nahi izan du hilekoa bitartekari gisa jarrita. “Ilargia zugan. Ondoegi gordetako sekretua” izeneko bideoaren zuzendari honek gakoa gure gorputzaren kontrolean dagoela erakutsi digu.
Ikustea merezi duela pentsatzen dut. Hala ere, ideia nagusienak euskaratu ditut badaezpada irakurtzea gehiago gustatzen zaizun edo ez duzun gazteleraz ulertzen. Hona hemen lehen zatia:
Hilekoa baino lehenago 150 sintoma desberdin senti daitezke. Gure gorputza eta esparruaren arabera gehiago ala gutxiago sentituko ditugu. Edozein tokitan emakume askok dute hilekoa une honetan eta ia gehienak azkar igarotzea nahiko dute ziurrenik, deseroso daudelako. Baina arriskua beste nonbait dago.
Hilekoa analizatua, zalantzan jarria eta iritzi publikora ezarria izateko arrazoi politikoak daude. Gerraren ostean emakumea etxean egotea nahi zen eta hamaika mito zabaldu ziren emakumeak bere gorputzaren beldur izan zezan.
Hilekoa haurrak izatera garamatzan prozesu naturala baino ez da. Baina guk ezkutatu egiten dugu. Eta horrek eragina dauka gure gorputzaren egoeran eta sentsazioetan.
Karen Houppet kazetariak dio orain gutxi arte ez dela honi buruzko ezer azaldu ez liburu eta ez pelikuletan. Emakumeak gertatzen ez dela sinesten du. Pentsa bere gorputzean aldaketak sumatzen dituen neska batentzat zer den horri buruzko ezer ez entzutea. Lotsagarria dena, horretaz ez hitz egitea da.
Erlijioak, zientziak eta politikak zikindu egiten dute gaia. Gure gorputza gaizki deskribatzen dute eta guk sinetsi egiten diegu. Kontrola guk eraman dezakegu, baina gizarteari uzten diogu. Gure gorputzak haren eskuetan dauden txotxongiloak dira eta ez gara konturatzen gu geu garela gorputza.
Monica Lanzadera Madrilgo dantza terapeutak mugimendu bidez lortzen du uteroa laztandu eta mugimenduan jartzea, gorputza kontrolatzea, alegia. Dantzak asko dio gure gorputzaz. Ongi sentitzeko pastillaz haragoko konponbidea izan daiteke, gure barnean dagoen errekurtsoa, gorputza ezagutzeko pausoa. Uteroa gorputzeko muskulu elastikoena da. Laztantzen ikasita emakumeek minik gabe erditu dutela ziurtatua dago, orgasmora iritsi den inor ere egon dela. Erditzearekin hori lortu bada, hilekoa gauza erraza da.
Ez gara gure botereaz jabetzen, bertatik urrundu eta isolatzen baikara. Gakoa beraz, gauzak ikuspuntu desberdin batetik ikustean datza. Hilekoaren odolaren botereaz jabetu, konfiantza hartu eta boteretsuago izango gara. Frogatuta dago.
Erratza gainetik akaso?