Hitzaldi mordoxka bat ematen ditut eskoletan, argazki elkarteetan eta Euskal Herriko Kultur Etxeetan. Galdera asko egiten dizkidate, baina horietako bat da ia guztietan agertzen den bat: \u201cZer daramazu gainean gatazka gune batera zoazenean?\u201d<\/p>\n
Kazetaritza mota asko dauden bezala (kazetaritza ekonomikoa, kirol kazetaritza, politikoa,\u2026) kazetari mota asko daude. Halere oraindik ez dut inor ezagutu (eta badaramatzat urte mordoxka bat hasi nintzenetik) fronte edo gatazka kazetari izanda bagajea pisutsua daramanik.<\/p>\n
Puntu honetara iristean azpimarratu beharra dut, orokorrean kazetaritza mota asko dauden bezala, zehazki ere gatazka kazetaritza mota asko daudela. Badira idatzi soilik egiten dutenak, badira argazkiak edo bideoa (edo argazkia eta bideoa biak batera) egiten dituzten pertsonak. Badira hoteletik irteten ez direnak eta sare sozialei begira igarotzen dutenak eguna gerra baten erdian. Hitz egingo dugu kazetari mota horiei buruz beste batean. Baina gutxi dira, alde batetik bestera ibili behar duten berri-emaileak eta bagajea pisutsua daramatenak. Kontuan izan behar duzue erreportaje edo albisteen atzetik igarotzen dugula eguna. Ukrainian 20 egun igaro nituen hotel desberdinetan lotan. Izan liteke baita ere azken urteotan agertutako kazetari-influentzer andanek aukeratua zenuen hotel polit eta merkea inbaditzea ere (horri buruz ere hitz egingo dugu) eta gela guztiak alokatuak izatea. Halere normalena beste toki batera mugitzeko arrazoia albiste berrien bila joatea da. Esan bezala, Ukrainian 2022an Jarkov eta Donbas aldean 20 egun egin behar izan nituen gauero toki desberdin batean lotan.<\/p>\n
Gauzak honela, ulertuko duzue, maleta egin eta desegin bizi garela. Askotan desegin ere ez. Baina geroz eta gauza gehiago orduan eta deserosoago mugitzen zara eta burua gauza batean soilik izan beharko zenuke: lana. Edo agian bi: lana eta lana.<\/p>\n
Argazkian agertzen zaizuen hori da lan egiteko gainean daramadan tresneria. Ezkerretik eskuinera eta goitik behera:<\/p>\n
Gerrikoari lotuta eramateko poltsa bat. Agian bi ere bai. Bata pisutsua denean bestearekin konpentsatzea gustatzen zait. Normalean ezkerrean daramat. Gidatzean segurtasun uhala eskuinetara ixten baitut, gidatzea gustuko dut eta.<\/p>\n
Koaderno bat. Blog honetan irakurtzen dituzuen post asko eta asko horrelakoetan jaiotzen dira.<\/p>\n
Nokia zahar bat. Beti bi sakelako. Bata apurtzen bada bestea erabiltzeko aukera. Nokia zaharrek beti irauten dute asko, gainera., Abantaila asko dituzte Ekialde Hurbilean. Internet konexio txarra baina beti dago telefono arruntera deitzeko aukera eta konexio hobea. Whatsapp-a ez dut sekula gustuko izan komunikatzeko.<\/p>\n
Bolaluma, luma, arkatz eta idazteko makina bat gailu. Gustuko dut eskuz idaztea. Mila esker Ikea kazetariontzako munduan dauden arkatzik onenak egin eta lapurtzen uzteagatik. Kazetaritza-independienteari egin diozuen ekarpena izugarria izan da.<\/p>\n
Baterientzako poltsatxoa, 4 Bateria, 2 kargagailu bikoitz (argazkian soilik bat ageri da)<\/p>\n
Pasaportea, bisita txartelekin.<\/p>\n
Erloju automatiko bat. Gogorragoak direlako eta politagoak. Kazetari independentea izateak ez du esan nahi klaserik ez dugunik.<\/p>\n
Aurikularrentzako poltsa. Kable zalea naiz (hegazkinean bateria agortzea \u2026)<\/p>\n
Beste poltsa bat gerrian eramateko<\/p>\n
2 Nikon D750<\/p>\n
Bateria eramangarri bat (zuria eta bertikalean)<\/p>\n
Disko gogorra<\/p>\n
Mikrofono bat (geroz eta bideo gehiago egiten dut)<\/p>\n
Paperean liburuak. Normalean irakurrita ditudanak eta berriro irakurri nahi ditudanak.<\/p>\n
SD txartelak mugikorrean deskargatzeko gailua.<\/p>\n
Objetiboak:<\/p>\n
Argia. Ez da argi frontal bat. Ez. Batzuetan ilunpean lan egitea ere tokatzen zait. Flasha galtzaileen tresna da (eta enfokatzea burgesek inposatutako moda bat)<\/p>\n
SD txartelak gordetzeko kaxa sendoa. Normalean binaka baina 1 Tb eraman ohi dut guztira.<\/p>\n
Karnet argazkia. Toki askotan akreditazioa eskatzen dizute toki jakin batera joateko eta gerra batean honelako argazkiak egiten dituen argazkilaria lehena da ospa egiten. Behin baino gehiagotan barre egin didatenak gogoratu dira nire erokeriaz. Ah! Eta argazkitan beti gazteago agertu behar zara. Hiltzen bagaituzte hori izango baita erabiliko dutena eta ez dugu zimurrik nahi gure eskelan.<\/p>\n
Poltsa kuki horretan dagoena teklatu tolesgarri bat da. Bluetooth teklatu tolesgarri bat hain zuzen ere. Ohartuko zinaten bezala ez dut ordenagailu eramangarririk. Gaur egun dena sakelakoarekin egiten dut eta honela pisu dexente aurreratzen dut eta edozein tokitan (bazkaltzeko bide ondoan geratuta ere) lan egiteko aukera dut. Ulertzen didazue orain zergatik gorroto dudan horrenbeste Euskal Herrian nagoela gainean sakelako handi bat eramatea? Lehenago Apple orain Graphene OS (argazkiak kudeatzeko APP bila nabil oraindik, norbaitek badaki utzi dezala iruzkin bat arren)<\/p>\n
Kargagailua<\/p>\n
Mikronofoarentzat \u201cdead-cat\u201d (haizearen zaratak gure entzumena izurratu ez dezan. Nork jarri zion izen hori?)<\/p>\n
Tresnak ordenatuak eramateko kaxa sendoa<\/p>\n
Bi bolaluma sendo.<\/p>\n
Txerto eta alergien liburuxka. Bertan idatziak ditut nire miseria sanitario guztiak ere. Konortea galtzen badut (gertatu izan zait) ezin dizkidate botika batzuk eman eta.<\/p>\n
Ez dut argazkian sartu nahi izan zer arropa eramaten dudan. Toki eta eguraldiaren arabera bidaia normal batean eramaten duguna delako. Ezta ere segurtasunerako eramaten ditugun kasko, txaleko, botikin, bota, eta abar\u2026 batzuetan, ez da komeni eramatea, beste batzuetan derrigorrezkoa. Baina Instagram utzi nuenean #wargearporn zen hashtag-ik \u201ccool-ena\u201d momentu horretan.<\/p>\n","protected":false},"excerpt":{"rendered":"
Hitzaldi mordoxka bat ematen ditut eskoletan, argazki elkarteetan eta Euskal Herriko Kultur Etxeetan. Galdera asko egiten dizkidate, baina horietako bat da ia guztietan agertzen den bat: \u201cZer daramazu gainean gatazka gune batera zoazenean?\u201d Kazetaritza mota asko dauden bezala (kazetaritza ekonomikoa, […]<\/p>\n","protected":false},"author":92,"featured_media":319,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2,15],"tags":[],"class_list":["post-318","post","type-post","status-publish","format-standard","has-post-thumbnail","hentry","category-argazkigintza","category-metakazetaritza"],"yoast_head":"\n