Goizeko 10:00etan Argia Egunari hasiera eman, eta 10:15etan hasita ordubeteko ibilaldi jantzia proposatzen dizugu: talde giro lasaian hankak luzatzeko aukera emango dizu, eguna pasako duzun inguruan ondo kokatzeko, eta batez ere ARGIAren jirako hiru espezialista hauei galderak zuzenean egiteko. Adin eta ezaugarri guztietako pertsonek gustura egiteko ibilbide erraza da. Hona egingo ditugun geldialdiak:
– Plazatik aterako gara, eliza ondotik, Sarobe Jauregira. Jakingaiak: Usurbilgo sarobetar jauntxoak; elizaren papera.
– Potxo-eneako buelta. Jakingaiak: Usurbil nola sortu zen (Donostiatik bereizitako Belmont hiribildua).
– Errege bidetik “Kalezar”era igoko gara. Jakingaiak: “Kalezar ez, Usurbil”; atxegatar jauntxoak; Makatzenea kontzeju etxea zerbitzu gune; Aginatarrak (“Usurbilen 5 zaku inbidi” esaera); Felix Aizpurua (Franco garaiko eragile, Zeruko Argian idatzitakoa).
– Morkaiko gainera joko dugu. Jakingaiak: bertako ikuspegia, Zubietako erribera.
– Artzabalera jaitsiko gara. Jakingaiak: Monumentu izendapena (hain justu Josu Tellabideren lanaren ondorioz); Auzokonposta ongi egiteko irizpideak eta konpostagailu barruko faunaren behaketa zuzena (Jon Ander Galarraga).
– Plazara itzulera.
1 Iruzkin
[…] batez esan, Larunbat honetan Usurbilen izango naizela ARGIA EGUNEAN, Jakoba Errekondo eta Josu Tellabiderekin ibiladi entretenigarri batean. Ibilbidearen amaieran, […]