{"id":3955,"date":"2022-10-27T17:02:36","date_gmt":"2022-10-27T16:02:36","guid":{"rendered":"https:\/\/blogak.argia.eus\/argia\/?p=3955"},"modified":"2022-10-27T17:02:56","modified_gmt":"2022-10-27T16:02:56","slug":"harreman-interesatuak-dira-baratzekoak","status":"publish","type":"post","link":"https:\/\/blogak.argia.eus\/argia\/2022\/10\/27\/harreman-interesatuak-dira-baratzekoak\/","title":{"rendered":"Harreman interesatuak dira baratzekoak"},"content":{"rendered":"
\"\"
Agendaren Alegiako aurkezpenean, ezker-eskuin: E\u00f1aut eta Unai Agirre, Jakoba Errrekondo,
Antton Olariaga eta I\u00f1aki Sanz-Azkue. Aretoak betekada hartu zuen. (Argazkia: Mikel Olabide)<\/figcaption><\/figure>\n

[Itsaso Zubiria Etxeberria] Alegian aurkeztu dute ARGIAren Bizi Baratzea proiektuak kaleratu duen Ilargia eta landareak 2023<\/em><\/a> agenda, eta dagoeneko eskuragarri dago Argia.eus-eko Azokan<\/a>. Jakoba Errekondo eta Antton Olariaga egileak izan dira bertan, I\u00f1aki Sanz-Azkue biologoak eta E\u00f1aut eta Unai Agirre bertsolariek lagunduta. Aurkezpen berezia izan da, landareez eta bioaniztasunaz aritu dira hitzez, eskuz eta bertsotan.<\/p>\n

Laneko edo etxeko oharrak apuntatzeko betiko agendaren erabilera izateaz gain, ilargiaren gorabeherak azaltzen ditu, eta baita ilargiaren arabera garai zehatz bakoitzean landareekin egin beharreko lanak ere, bai baratzean, basoan, fruitu-arbolatan eta lore baratzean.<\/p>\n

\"\"Gai bat izaten du ardatz urtero agendak. Animaliak aurten. Baratzean aurki ditzakegun intsektu, anfibio, narrasti, ugaztun eta hegaztiak. Harreman interesatuak. Horretaz aritu da I\u00f1aki Sanz-Azkue biologoa, bioaniztasunak baratzean duen garrantziaz, eta alderantziz ere bai, baratzeek bizilekua eta bazkalekua eskaintzen baitiete polinizatzaile, hegazti eta abarri. Azaldu du zenbat eta bioaniztasun handiagoa izan, izurriteei aurre egiteko baratze osasuntsuagoa izango dugula; esaterako, txori klase bakoitzak era bateko mokoa duenez, batzuek intsektu batzuk eta besteek besteak jaten baitituzte.<\/p>\n

Jakoba Errekondok elikadura burujabetzaren gaiari heldu dio, agendak hori ere sustatzen baitu. Adierazi du: “Orri bakoitzean agertzen da garai horretan zer den Euskal Herrian eginda jan dezakeguna, marrazki bidez. Etxera hor agertzen ez den barazki bat ekarri badugu jateko, esan nahi du kilometro asko eginda etorri dela”.<\/p>\n

Olariagak azaldu du umoretik landu nahi izan duela agenda. Hasteko, sortzaileak ondo pasa dezan eta, noski, irakurleak gozatzeko. Animalia bakoitza ingurune batean kokatzea deliberatu du, eta animalia bakoitzaren izaerak eskatzen zuen eszena edo istorioa sortu du, animalia bakoitzari orri osoko “bi\u00f1eta” edo “piztiarioa” osatuz. Adibidez, enarak eta sorbeltzak azafata lanetan jarri ditu, eta sagarzale amorratua den trikua, jatetxe batean menua hautatzen.<\/p>\n

Unai eta E\u00f1aut Agirre anaiek bertso zaharren bidez borobildu dute emanaldia. Pedro Mari Ota\u00f1ok txepetxari jarritako bertso sortak, horri erantzunez Zubietako (Gipuzkoa) Motza-k jarritakoak eta I\u00f1aki Muruak sagarrondoez jarritakoak aditzeko aukera izan dute bertaratutakoek.<\/p>\n