Mexikoko Estatuak narkoaren aurkako gerra abiatu zuenetik hamahiru urtera, AEBetako presidente Donald Trumpek iragarri du lanean ari direla kartelak terrorista gisa izendatzeko. Hartara, Ekialde Hurbilean bezala, haien aurkako operazio militarrak egiteko, besteak beste. Mexikoko subirotasunaren aurkakotzat jo du Obrador presidenteak.
Irudian: Chihuahuako Ciudad Juárezen AA karteleko sikario bat, hilik. AAko kideek 2 zenbakia tatuatuta eramaten dute. Mugaldeko hiri horretan egunero sei eta hamar pertsona artean hiltzen dituzte drogarekin lotutako talde kriminalek.
Argazkia eta testua: Jair Cabrera