{"id":1137,"date":"2014-11-19T09:57:57","date_gmt":"2014-11-19T08:57:57","guid":{"rendered":"http:\/\/www.argia.eus\/blogak\/begizta\/?p=1137"},"modified":"2014-11-19T09:57:57","modified_gmt":"2014-11-19T08:57:57","slug":"zeinek-nahi-du-afrika-salbatu-gobernuz-kanpoko-erakundeen-elkartasun-zuriari-zirika","status":"publish","type":"post","link":"https:\/\/blogak.argia.eus\/begizta\/2014\/11\/19\/zeinek-nahi-du-afrika-salbatu-gobernuz-kanpoko-erakundeen-elkartasun-zuriari-zirika\/","title":{"rendered":"Zeinek nahi du Afrika salbatu? Gobernuz kanpoko erakundeen elkartasun zuriari ziria"},"content":{"rendered":"

Injustiziak ulertzeko laguntzen al dute testuingururik gabeko muturreko pobreziaren irudiek? Bidegabekerien kontura negozio egitea zilegi al da? Gure frustrazio indibidualak zuritzeko aitzakia onak al dira GKEak Afrikan? Boluntarioen estereotipoez mintzatzeko aitzakia ederra da “Zeinek nahi du boluntario izan?” kanpaina<\/a>.
\nAhora zer eraman ez duten euliz inguraturiko umeek errukitzen gaituzte. Horiek koskortutakoan ordea, hunkitzen ei gaituen pobreziatik ihesi, gure lurretara sar ez daitezen hesiak eraikitzen ditugu. “Save The Children<\/a>“, baina helduak utikan<\/a>. Futbolari onak ez badira, bederen. Ulertzen ez dugun sarraski odoltsuren bat gertatuz gero, nori galde? Zonaldean zurien jainkoaren onurak barreiatzen dituen jesuita errukarriari. Lagun dezagun afrikarren hezkuntza hobetzen: “Pertsona bat, ordenagailu bat”. Kreditu txartelarekin ala eskura? Ai, Afrika! Inoiz ikusi ez ditugun haren paisaiak hain dira ederrak! Hain exotikoak bere animaliak gure zoologikoetan. Zentzurik gabeko gerren erdian hizkuntza ulertezinetan mintzo ez balitz hango jendea! Hango diktadoreek gure garapen ereduaren onurak ukatzen dizkietelako pobreziak edo HIESak jota hiltzen dira Ghanan edo Bostwanan, Nigerian edo Liberian. Indarkeria arbuiagarria da datorren lekutik datorrela, aizu! Baina haien arteko odol isuriek ez ditzaten gure multinazionalen azpiegiturak busti, bidal diezaiegun gure armada<\/a>. Izan ere, ontasun zuriak ez baitu mugarik ezagutzen. 0’7raino bederen.
\nHeroi zuriari eztenkada<\/strong>
\nAfrika eta Lehen Munduaren<\/a> <\/em> arteko ezberdintasun politiko-ekonomikoek elkar-loturarik ez dutela pentsatzea da afrikarrak salbatzera doazen heroi zurien<\/a> printzipio nagusia. Batzuk pobre eta beste batzuk aberats jaio izana, ausari dagokion hautua bailitzan. Eta jakina, patuari aurre egiterik ez dagoenez, zortea izan dutenen egitekoa besteei janaria edo dirua ematea da. ‘Salbatzaile’ hauen estereotipoak muturrera eramanez, elkartasun asistentzialaren kontraesanak agerian uztea \u2013eta barre egitea\u2013 da Who Wants To Be A Volunteer?<\/a><\/em> kanpainaren xede nagusia.
\n\u201cGosea eta pobrezia itsusiak direnez, jendea zer edo zer egitera animatzen dute. Halere, jakintzan oinarritutako konpromisoa antolatu behar dugu. Estereotipoetatik kanpo. Pobreziari eta garapen bertikalari eratorritako arazoei aurre egiteko asmoz dirua biltzen duten kanpainen mezuak eta moldeak aldatu behar ditugu”, diote sare sozialetan aise zabaltzen ari den bideoaren sortzaileek<\/a>.
\nBerogailu Herdoildua Sariak<\/strong>
\nKanpaina hauen atzean Rusty Radiator<\/em><\/a> sariak daude. Iaz banatzen hasi ziren sari hauen helburua da, batetik, haien ustez ikuspegi egokia (urrezko sariak) duten komunikazio kanpainak saritzea eta bestetik, elkartasun asistentzialaren praktika txarrak (herdoilezko sariak) agerian uztea. \u201cHau ez da Afrikara boluntario gisa joateko gogoz dagoen gazte horri egindako kritika. Altruismoaren zentzu moralik gabe, karitatearen izenean Afrikara joateko joera \u2013geroz eta handiagoa dena\u2013 parodiatzen dugu\u201d, dio sarien antolatzaileetako batek webgunean. Hitz horiek hobeto ulertzeko honatx iazko eta aurtengo bi adibide:
\n2014ko herdoilezko saria irabazteko hautagaietako bat: