{"id":520,"date":"2013-12-10T12:50:30","date_gmt":"2013-12-10T10:50:30","guid":{"rendered":"http:\/\/www.argia.eus\/blogak\/begizta\/?p=520"},"modified":"2013-12-10T12:50:30","modified_gmt":"2013-12-10T10:50:30","slug":"dena-jarrera-kontua-da","status":"publish","type":"post","link":"https:\/\/blogak.argia.eus\/begizta\/2013\/12\/10\/dena-jarrera-kontua-da\/","title":{"rendered":"Dena jarrera kontua da"},"content":{"rendered":"

“Dena itxura, dena gezurra da. Ederra bezain faltsua”<\/a> oihukatzen dute Leihotikan taldekoek. Willis Drummondeko lagunek ideia berean sakondu dute “heroiak mamuak dira, ez baduzu sinesten, ez dira existitzen… esan nun dauden!<\/a>” abestuz. Gaur egun munduari begiratzeko eta, berau interpretatzeko ezinbestekoak dira irudiak. Hurkoarekin harremantzeko moduak aldatzeko ere gai dira. Janzten duguna edota gerri bueltaren tamainaren arabera, aurreiritziak bizi gaitu. Eta itxura faltsuen<\/a> liga honetan emakumezkoen taldeak kanpoko zelaian jokatzen du beti, bi jokalari gutxiagorekin eta arerioak arbitroa erosita. Izan ere, emakumeek txikitatik jasaten duten itxurarekiko kezka, beti polit, beti eder egon beharraren presioa demasekoa delako gaur egun.
\n
\nGure gorputzen gaineko presio sozialari irri batekin izkin egiteko proposamena luzatu digu Gracie Hagen argazkilariaren Ilusions of the Body<\/em> proiektuak. Itxura eta tankera anitzeko emakumeak, gehien bat, kameraren objektiboaren aurrean jarri zituen biluzik. Enkuadrea eta ingurua aldatu gabe, bi argazki egin zizkien. Ezkerrean argazki sesioetan ohikoak diren poseak erabiliz eta eskuinean guztiz bestelako jarrera batean.\u00a0Gorputzak irudikatu behar duenari, zein begiratzeko dauzkagun arauei buruz hausnartzeko iradoki duen kontrastea, hain zuzen.
\nPublizitatearen menpeko komunikabideek, gehiengoak, “jendearen alderdirik ederrena<\/em> azaleratu ohi dute eta gu irudi haiekin konparatzen gara”, dio Hagenek proiektuaren aurkezpenean. Urriak baitira poserik edo photoshop<\/em>ik gabeko irudiak komunikabide masiboetan. Beti zuzen, makillaje egokiaz apaindua eta Profident<\/em> irribarreaz<\/a>. Argazkilariak webgunean dioen gisan “serie honekin gorpuzkera, etnia eta genero anitzak erakutsi nahi izan ditut, ‘itxura normala’ existitzen ez dela azalarazteko. Tamaina eta forma anitzekoak garela oroitarazteko baizik.” Hau da, eta musikara bueltatuz, Koma taldeko lagunek berdina esan ziguten zuzenago, naparrago<\/em> nahi bada: “Teleberriko aurkezlea, Rocioko Birgina, multinazionaleko zuzendariak, irratiko izar diruduna… imajinatu itzazu kakainean”<\/a>
\nEgilearen proiektu, argazki eta bideo gehiago argazkilariaren webgunean<\/a>, flicker <\/a>eta vimeo<\/a> kontuetan dituzue.
\n