{"id":981,"date":"2014-07-29T11:12:59","date_gmt":"2014-07-29T09:12:59","guid":{"rendered":"http:\/\/www.argia.eus\/blogak\/begizta\/?p=981"},"modified":"2014-07-29T11:12:59","modified_gmt":"2014-07-29T09:12:59","slug":"israelen-sarraskia-justifikatzeko-argudioen-dekalogoa","status":"publish","type":"post","link":"https:\/\/blogak.argia.eus\/begizta\/2014\/07\/29\/israelen-sarraskia-justifikatzeko-argudioen-dekalogoa\/","title":{"rendered":"Israelen sarraskia justifikatzeko argudioen dekalogoa"},"content":{"rendered":"

236 ume hil berri dituen herrialde<\/a> baten izen ona garbitzea ez da lan erraza. Israelgo armadaren eledunek argudioen sorkuntza bonben jarioaren maila berean mantentzen badute ere, Israelgo gobernuak oraingoan oso zail jarri die lana sionismoaren ohiko lagunei. Saiatu ez direnik ezin uka, ordea. Sare sozialei begiratu azkar bat ematea besterik ez dago ikusteko Israelek baduela jarraitzaile multzo garrantzitsu bat. Egiten dutena egiten dutela, justifikatzeko prest agertzen den jendea dago, baita Euskal Herrian ere. Ikus dezagun, eztabaidaezinak diren argudio erlijiosoak alde batera utzita, zeintzuk diren sionismoaren ekintzak zuritzeko argudio nagusiak gure artean.
\n1) Israelek defenditzeko eskubidea dauka<\/strong>
\nZalantzarik gabe, hau da argudio ofizial nagusia. AEBek eta Europar Batasunak, besteak beste, Israelen ekintza armatuen aurrean duten jarrera ofiziala baita. Honen adibide argia da beheko irudian dagoen Europar Batasunaren azken komunikatua. Israelgo muga ofizialetatik kanpoko zortziehun zibil baino gehiago hiltzeari, milaka familia ura, argindarra eta etxerik gabe uzteari eta nazioarteko legeen urraketa sistematikoari “defentsarako eskubidea” deitzen dio Europar Batasunak, Obamak egin duen gisa berean<\/a>.
\n\"\"<\/a>2) Guztiaren errua Hamasena da<\/strong>
\nEuskal Herrian oso ondo ezagutzen dugun estrategia muturrera eramanda. Gurean dena ETA da<\/a> eta Palestinan dena dago Hamasen kontrolpean. Beraz, buru-eragiketa azkar baten bidez, palestinarrei eragiten dizkieten sufrikario guztiak palestinarren gain geratzen dira. Horren bultzatzaile nagusiak, jakina, Israelgo instituzioak dira. Argudio horren adar posible guztiak ikusteko onena Israelgo armadaren twitterra<\/a> ikustea da, diseinu grafikoa eta guzti.
\nPalestinako historian Hamas mugimendu berri xamarra<\/a> da. Beraz, galdera honakoa da: Hamas sortu aurretik Israelek egindako sarraskien erruduna zein da?
\n3) Palestinarren errua da Hamas bezalako mugimendu terroristak babesteagatik<\/strong>
\nAurreko puntuari lotutako pentsaeraren garapena. Hamas Palestinan egindako azken hauteskundeen irabazlea<\/a> izan bazen ere, herritarren hautu hori zerri askara bota zuen nazioarteko komunitateak Israelen presioari esker. Eta Hamasen ordez, Israelekin kolaboratzeko prest azaldu den Al Fatah alderdia<\/a>ri babesa eskaini zioten. Hau da, demokrazia burgesaren bidetik herriak hautatutakoa herritarrei eraso egiteko argudio bilakatzen da. “Biolentziaren bidetik ez da ezer lortzen, erabili bide demokratikoak” esaldi ezagunaren “mugak” non dauden ondo ezagutzen dute Palestinan.
\n\"\"4) Antisemita halakoa!<\/strong>
\nHonen arabera, Israelgo estatuaren ekintzak kritikatzeak Israel beraren existentzia zalantzan jartzea dakar. Eta hori judutarren aurkako gorrotoaren ondorioa besterik ez da. Motzean esanda, Israelen gerra krimenak kritikatuz, nazismoak hil zituen judutarren memoria iraintzen ari zara. Israelgo estatuaren doktrina hori dario Israelen Boikotaren aurkako manifestuari,<\/a> Euskal Herrian dozena bat sinadura batu dituenari. “BDS nazioarteko kanpainaren<\/a> azpian juduen aurkako gorrotoa dago” eta “horren bitartez Israelgo hiritarren eta orokorrean judu guztien aurkako estigmatizazioa” bultzatzen dela diote. Israelekin kolaboratu nahi ez izatea eta horren salaketa “gure gizarteetan zigorgabe onartzen ari diren delituzko jarrera arrazistak” direla diote. Hau da, Israelek maila juridikoan indarrean sartu dituen legeei jarraituta<\/a>, Israelgo apartheidaren aurkako salaketa aktiboa delitu bilakatu nahi dute manifestu horren sinatzaileek.
\nJatorri judua duen Norman Finkelstein<\/a> idazle estatubatuarrak oso ondo azaldu zuen antisemitismoaren teoria hau The Holocaust Industry: Reflections on the Exploitation of Jewish Suffering<\/em><\/a> (Holokaustoaren industria: Judutarren sufrimenduaren erabilpenari buruzko hausnarketak) liburuan. Boas Evron idazle israeldarrak honakoa adierazi zuen gai honetaz galdetuta: “Holokaustoaren gaineko kontzientzia propaganda ofizialaren doktrina besterik ez da. Kontsignen eta mundua ikusteko era faltsuen ekoizpen masiboa. Iragana ulertzen lagundu baino orainaren manipulazioa baizik ez dute bilatzen”. Beste era ez hain akademiko batez azaldu dute antisemitismoaren gaia Juice rap news<\/a>eko lagunek bideo honetan:
\n