Kopiatu eguna eta lekua: apirilak 2, New Yorkeko Madison Square Garden. LCD Soundsystem taldeak agur esango baitu eta igual, zorte pixka batekin, sarrera lortu ahalko duzu, hegazkina hartu (edo txalupa, arrauna gustuko izanez gero) eta kontzertua ikusi. Gogoratzeko modukoa izango dela ematen du, webgunean jarri duten mezua leitu besterik ez dago: “Honek hileta izan behar badu, izan dezagun inoizko hiletarik onena”.
Hurbilduko direnei zera eskatu diete: jantzi daitezela erabat beltzez, edo zuriz, edo zuri-beltzez, beraiek arduratuko direla gero zebra eroen saldoa dantzan jartzeaz. Erabaki dute eta zin egin hiru orduko ikuskizuna. Lagunekin joko dute eta orain arte inoiz entzun gabeko kantak ere estreinatuko dituzte.
Albistea blog honen bidez ezagutu baduzu, eta lortzen baduzu sarrera, hartzen baduzu hegazkina (edo txalupa) eta ikusten baduzu kontzertua… kronika bat gutxienez zor diozu Boligrafo Gorriari.
Musikaz gain bideoklip, nola esan, bitxiengatik ere bada ezaguna LCD Soundsystem. Horietako bi dituzu jarraian.
Losing my edge:
Drunk girls:
1 Iruzkin
Beno, gutxienez streaming-ean ikusteko aukera izango dugu… http://pitchfork.com/news/41857-pitchfork-to-stream-lcd-soundsystems-final-show-live-from-madison-square-garden/