Kafe Antzokiko kontzertu historikoak pilulatan

Oharra: hau nostalgikoentzat idatzitako post bat da.
Zenbat musikari pasa diren Bilboko Kafe Antzokitik azken 20 urteetan, aretoko arduradunek ere jakingo ote duten ez dakit. Kontzertu horietako asko bertan izan zirenen disko gogorrean gordeta egongo dira, baina badakigu memoriak nola funtzionatzen duen, zenbat alda daitekeen buruan dugun oroitzapena urteak pasa ahala.

Benetako irudiekin kontrastatzeko aukera izango duzu ba hemendik aurrera. Kafe Antzokiak abenduan teenager izateari utziko dio, eta ospatzeko, bi hamarkadatan aretoan jo duten musikarien kontzertu zatiak eskaintzen hasi da bere blogean.
Anje Duhalderen 1995eko Kantuarekin eta Gariren 1996ko Amets dira “Harribitxiak” saileko lehen bi bideoak. Marty McFly bezala sentitu naiz ikustean.

 
PS: Antzokiko arduradunei: ba ote dago The John Spencer Blues Explosionen 1997ko kontzertu mitikoaren bideorik?