Margaret Thatcher hil da: jarri musika apur bat

 
Hefner taldearen The day that Thatcher dies etorri zait burura Erresuma Batuko lehen ministro ohia hil dela jakin eta berehala.
“Barre egingo dugu Thatcher hiltzen den egunean” zioten Londresko bandakoek, “badakigu ez dagoela ondo, baina dantzatuko dugu eta kantatuko gau osoan”. We love the city diskoan aurki dezakezue.
Ez da Thatcherri buruz maitasunez hitz egiten duen kanta bakarra, noski. Euskarazko errepertorioari errepaso bat eginda, lankide batek Baldin Badaren Tatxer nabarmendu dit.
Ingelesezko blogetan bilaketa azkar bat eginda Thatcherren kontrako kanten hit-paradeak eta guzti aurkituko dituzue; dena izango da gutxi, Burdinazko Damari merezitako egurra agurra emateko.
Eguneraketa (2013-IV-8, 15:57):
Hainbat lagunek Thatcherren kontrako kanta gehiago eta gaiarekin zerikusia duten artikuluak proposatu dizkidate Twitterren. Mila esker 😉

@boligorria Renaud kantariaren “Miss Maggie” falta zaizu : youtube.com/watch?v=Lohnbm… #musika #Thatcher
— Fred Berruet (@fred_berruet) 2013 apirila 8

@boligorria Hemen daukazu beste musika open.spotify.com/user/antoniojl…
— Xabier Maeztu (@trisketonni) 2013 apirila 8

Hemen duzue horrekin loturiko notizia, is.gd/dTNoS9 “Chumbawamba anxiously awaits MT’s death” @boligorria igual zure interesekoa..
— okerreko (@okerreko) 2013 apirila 8

Thatcher-en aurka egin 10 kanturen zerrenda bat. Euskaldunok Baldin Bada-rena gehitu behar diogu noski : lesinrocks.com/2013/04/08/mus… @boligorria
— Fred Berruet (@fred_berruet) 2013 apirila 8

Morrisseyren Margaret on the Guillotine entzuten grooveshark.com/s/Margaret+On+… atzerapenarekin, bye Margaret
— Luistxo Fernandez (@luistxo) 2013 apirila 8

 
Eguneraketa (2013-IV-8, 16:15):
Eta behin hasita, Luistxo Fernandezek 14 kantako playlist hau gomendatu digu. Asko dantzatu behar dugu martxa honetan Thatcherren fianbrearen gainean…