Animaziozko film batekin abiatu da 61. Zinemaldiko Sail Ofiziala, erabaki arriskatua, esango du baten batek. Tira. Pixar faktoriatik aterea dirudien Futbolínek (jatorrizko titulua Metegol da, gaztelaniaratu egin dute, filmeko ahotsak bezala) Toy story bezalako ekoizpenen antz handia du, kendu jostailuak eta jarri futbolineko jokalaritxoak.
Gaizto-gaiztoen eta zintzo-zintzoen istorio bat, bestelako misteriorik gabea, erabat aurreikusteko modukoa baina, elkarrizketa batzuen umoreak eta futbol munduko topikoez egiten den parodiak familiya guztiaren gozagarri bihurtuko duena. Sail Ofiziala benetan hasteko, hurrengo filmari itxaron beharko.
PS: “Loco” izeneko futbolineko jokalariak Jorge Valdano ekarri dit gogora.
SAIL OFIZIALA
Futbolín.
Zuzendaria: Juan Jose Campanella.
Argazkia: Felix Monti.
Argentina-Espainia.
106 minutu.
1 Iruzkin
[…] CC-by-sa: Gorka Bereziartua, Boligrafo Gorria. […]