{"id":2069,"date":"2006-11-04T18:09:16","date_gmt":"2006-11-04T16:09:16","guid":{"rendered":"http:\/\/www.argia.eus\/boligrafo-gorria\/?p=2069"},"modified":"2006-11-04T18:09:16","modified_gmt":"2006-11-04T16:09:16","slug":"buztan-luzea-ahoz-aho-2","status":"publish","type":"post","link":"https:\/\/blogak.argia.eus\/boligrafo-gorria\/2006\/11\/04\/buztan-luzea-ahoz-aho-2\/","title":{"rendered":"Buztan luzea ahoz aho"},"content":{"rendered":"

\"\"<\/a>
The Long Tail liburuaren azala<\/figcaption><\/figure>
\nChris Anderson Wired News<\/em><\/a>eko editoreak bere Buztan Luzeari buruz artikulu bat kaleratu zuenetik jende asko harrituta geratu da. Denen ahotan dabil azken aldian Buztan Luzearen kontua. Tamaina izango ote? Ez, denok<\/em> dakigu tamainak ez duela axola eta beraz, horrelako kontu arinetaz baino, merkatu arazoez ariko gara hurrengo lerroetan. (azken finean, hau ez da orgia.com\u2026)
\nJakinminaren jakinminez irakurtzen jarraitu dutenek, Andersonek duela bi urte kaleratu zuen The Long Tail<\/em> (Buztan Luzea<\/em>) artikulua<\/a> irakur dezakete, zertaz ari garen ikusteko. Internetek kultur industrian orain arte nola eragin duen aztertu zuen artikulu hartan Wired News<\/em>eko arduradunak. Andersonek aurreratu zuenez, sareari esker arrakasta handietan oinarritutako merkatua ez da datozen urteetan kultur enpresen diru-iturri nagusia izango, banaketa kostuak aurrezteak, eskaintza ikaragarri zabaltzeak eta publiko txikien eskakizunetan arreta jartzeak dakartzan abantailengatik.
\nHori azaltzeko Andersonek Joe Simpson<\/a> mendizale britainiarraren kasua erabili zuen adibide gisa. Peruko Andeetan hiltzeko zorian egon ondoren 1988an Touching the Void<\/em> (Ezereza ukitzen<\/em>) liburua idatzi zuen Simpsonek, gertakari haien kontakizuna eginez. Kritika onak izan zituen, baina sarritan gertatzen den bezala, basamortuko bakailao saltzaileak baino arrakasta gutxiago.
\nHamar urte beranduago ordea, oso gauza bitxia gertatu zen: Jon Krakauerrek<\/a> Into thin air<\/em> (Haize finean<\/em>) liburua eman zuen argitara, hau ere mendian gertaturiko tragedia batean oinarrituta. Sekulako arrakasta lortu zuen, eta harrigarriro Simpsonek hamarkada bat lehenago idatzitako liburua ere berriro saltzen hasi zen. Asko saltzen: Krakauerren bikoitza.
\nTouching the Void<\/em>-ek hainbesteko arrakasta lortu zuen, ezen filma eta guzti egin baitzioten, liburuan kontatutakoan oinarrituta.
\nChris Andersonek badaki zein den Simpsonen kontu korronteko zeroak modu esponentzialean ugaldu izanaren arrazoia: Amazon.com<\/a>. Liburu denda digital horretan titulu bat erostean \u201chau erosi duten bezeroek beste hau ere erosi dute\u201d dioen oharra azaltzen da, liburu batzuk besteekin erlazionatuz. Into thin air<\/em> irakurri zutenek Touching the Void<\/em> ezagutzeko aukera izan zuten horri esker. Irakurleek beren iritziak emateko aukera dute gainera, eta Simpsonek idatzitako lanak kritika onak jaso zituen.
\nAndersonen ustez, goian kontatutakoak liburu saltzaileen abileziatik harantz doan fenomenoa erakusten du: \u201cHedabide eta kultur industriarentzako eredu ekonomiko erabat berria da\u201d.<\/p>\n

Beherago, beherago<\/h4>\n

Eredu horretan zeresan handia du XX. mendearen bigarren erdian kultur industriak izan duen garapenak. Denentzat berdin ekoiztutako produktuak nagusitu izan dira aurreko mendean eta horrek kontsumitzaileen buztan luzeko kurba sortu du: muturrean arrakasta handiko masa produktuak; isatsean salmenta gutxikoak. Baina orain, Internet heldu da.
\n\u201cJendea katalogoetan murgiltzen ari da, eskuragarri dauden tituluen zerrenda luzean behera\u201d. Ikaragarrizko salmentak dituzten produktuetatik abiatuta kontsumitzaile talde txikietara iristeko bidea erraztu du Internetek Andersonen ustetan.
\n\u201cDenbora luzez izendatzaile komunetako txikienak ezarritako arrakastaren tirania sufritu dugu, udako kanta garun-hiltzaileak eta saldoka produzitutako pop musika entzutera behartuta egon gara. Zergatik? Ekonomia\u201d. Andersonek Buztan Luzea<\/em>-n azaltzen duenez, espazio fisikoek erabat baldintzatu zuten produktu kulturalen banaketa Internet aroaren aurretik. \u201cZinema areto ertain batek ez du film bat erakutsiko bi asteko epean 1.500 pertsona erakartzeko gai ez bada\u201d azaltzen du Andersonek. Gauza berbera gertatzen da liburu eta diskoekin ere: gutxieneko kopuruetara iristen ez diren produktuak, dendan betetzen duten espazioaren kostuak berdintzeko gai ez direnak, saltokietatik desagertu egiten dira. Beste adibide bat: telebista. Audientzia altuak lortzeko prestatutako programak dira nagusi, emisio-denbora eta kableak garraiatu dezakeen kate kopuru mugatuaren erruz.<\/p>\n

Tamaina guztiek dute bere grazia<\/h4>\n

Baina horrek ez du esan nahi, jendeak zaletasun bateratuak dituenik, Andersonek irailean Bilbon eskainitako hitzaldian <\/a>azpimarratu zuenez. Mundu guztiak egiten ei du noizbait korrontearen kontra igeri, inor ez omen da beti mainstream<\/em><\/a>-aren orpotik joaten. Lehen ordea, ezinezkoa izaten zen zenbait gauza aurkitzea, salmenta handiko produktuak bakarrik kontuan hartzen zirelako: horiek ziren negozioa egiteko bidea.
\nBaina eskaintza guztiaren %20ak besterik ez du arrakasta handia izaten. Eta besteak? Hortik beherako liburu, disko eta filmek beren merkatua badute, eta ez da nolanahikoa. Internet bidezko musika dendetan frogatu dutenez, eskainitako kantu gehienek erosleren bat aurkitzen dute goizago edo beranduago eta salmenta txiki horiek, arrakastek baino diru gehiago ematen dute azkenean.Tamainak ez duela hainbeste<\/em> inporta, alegia.
\nDena jende guztiaren eskura jartzean dago gakoa. Industria tradizionalak disko bat, DVD<\/acronym> bat edo liburu bat kaleratzeko, produktu horrek eduki dezakeen eskaria, marketin aukerak\u2026 neurtu behar ditu. \u201cBuztan Luzearen ekonomian horien balioa neurtzea kaleratzea baino garestiagoa da. Egin ezazu eta kitto!\u201d zioskun Andersonek.
\nPrezioez hitz egitean berriz, pirateoaren mundutik kanpo ere izugarri merketu direla azpimarratu zuen Wired-eko editoreak. iTunes<\/a> eta antzeko web guneek euroko 99 zentimotan eskaintzen dute kanta bakoitza. Gainera, Andersonek aipatu ez arren, gero eta jende gehiagok doan eskegitzen du bere musika, lizentzia libreez baliatuz. Euskal Herrian, Musikherria<\/a> diskoetxea edo Eremulauak Ediziogunea<\/a> dira horren adibide, baita beren kontutik gauza bera egin duten beste hainbat talde ere.<\/p>\n

Puntatik abiatu behar<\/h4>\n

Dena eskura eta merke beraz. Baina ez ote dago eskaintza horretan galtzeko arriskurik? Nondik hasi gustuko duzun hori bilatzen? Amaraunaren erraldoiak izuturik coitus interruptus<\/em>a jasan dezake edonork. Lasai, Buztan Luzearekin ez duzu horrelako txakalaldirik izango. Andersonek uste du produktu arrakastatsuenek lagundu dezaketela salmenta txikiagoak dituztenetara iristen.
\nAdibide gisa Rhapsody<\/a> Internet bidezko musika dendan ibilbidetxo bat egitea proposatu zuen Buztan Luzea artikuluan. Britney Spears super arrakastatsutik abiatuta, \u201csimilar artists\u201d atalari jarraituz hiru klik eginda Save Ferris, The Selecter edo Buck-O-Nine bezalako ska eta punk taldeetara iristeko bidea azaltzen du. Ezinezkoa? Probatu: Spearsetik Pinkera eta Pinketik No Doubtera. Zer azaltzen da eskuineko barran? Gehiegi saldu izanaren itxurarik ez duten talde asko aurkituko dituzu horietatik aurrera eginez gero.
\nLizentzia libreko musikak ere antzeko formulak erabiltzen ditu, hori bai, arrakasta jaitsitakoaren arabera neurtuz eta ez dirutan. Euskaratzeko bidean<\/a> den Jamendo.com<\/a> da horren adibide. Web gune horren sarreran tag bidez publikoak gehien bilatzen dituen musikariak azaltzen dira eta gainera \u201chilabeteko diskoak\u201d, \u201cdisko berriak\u201d eta \u201cartxiboa\u201d atalek galbahe lana egiten dute.
\nAukera berri horiek kontuan hartuta, masa kontsumotik norbere txokoko kontsumorako bidean gara antza. Akabo beraz disko dendara joan eta saltzaileari \u201cAkauza\u2026 zer?<\/a>\u201d entzun beharra. Akabo \u201cbai, ale bat eduki genuela uste dut, baina\u2026\u201d, akabo \u201cbeste dendaren batean galdetu duzu?\u201d, akabo betirako kolore arrosaz jantzitako elefantea baino arraroago sentitzea. Sarean nahi duzun guztia aurkituko duzu, merke (zenbait produktu doan) eta kalitate berean. Ez dago gaizki buztan kontuekin hasita hori lortzea ezta?<\/p>\n

Informazio gehiago:<\/h4>\n