{"id":2705,"date":"2013-01-21T12:18:17","date_gmt":"2013-01-21T11:18:17","guid":{"rendered":"http:\/\/www.argia.eus\/blogak\/boligrafo-gorria\/?p=2705"},"modified":"2013-01-21T12:18:17","modified_gmt":"2013-01-21T11:18:17","slug":"kosice-2013-nola-ez-lukeen-izan-behar-europako-kultur-hiriburuak","status":"publish","type":"post","link":"https:\/\/blogak.argia.eus\/boligrafo-gorria\/2013\/01\/21\/kosice-2013-nola-ez-lukeen-izan-behar-europako-kultur-hiriburuak\/","title":{"rendered":"Kosice 2013: nola ez lukeen izan behar Europako Kultur Hiriburuak"},"content":{"rendered":"

\"\"<\/a>
Kosice 2013: egin behar ez denaren eredua dirudi.<\/figcaption><\/figure>
\nKosice, Eslovakiako ekialdean, 230.000 bizilagunetik gora, eslovakiarren, txekiarren eta hungariarren topaleku, 2013ko Europako Kultur Hiriburua da<\/a> Marseillarekin batera. Geroz eta gertuago dago Donostiak banda hori jantziko duen momentua eta komeni da beste hiriei begia pegatzea, ereduak bilatzeko.
\nEreduak onak eta txarrak izan daitezke ordea, eta Eslovakiakoa ez dugu hona ekarri txaloz edertzeko. Juraj Kusnierik musika kritikariak artikulua publikatu du Lidov\u00e9 Noviny<\/em> egunkari txekiarrean, Kosice 2013ri buruz zenbait gauza iradokiz eta beste zenbait argi eta garbi esanez (frantsesez<\/a> eta gaztelaniaz<\/a> irakur daiteke).
\nEgitasmoak kultura lokala bultzatu behar omen zuen baina, Kusnierikek dioenez, hiriburutzaren abiapuntua izan den asteburu honetako ospakizun handian, musikari izarra Jamiroquai ingelesa izan da, \u201cnahiz eta inork ez duen lortu jakitea zein den konexioa Kosiceren eta kantari horren artean\u201d. Jamiroquairen arrakasta-urteak aspaldi samarrekoak dira gainera, eta azkenaldian birarik egiten ez duenez, kontzertua antolatzea garestitxo atera omen da \u2014gaur Kosiceko prentsa lokalean irakurtzen denez, Jay Kay ez zen oso esker oneko agertu<\/a> jasotako dirutza gorabehera\u2014.
\nGehiago: Kassaboys izeneko artista kolektibo lokal baten instalazioak Hiriburu Kulturalaren aperitifa izan behar zuen. Hirian banatu zituzten gezurrezko lehergailu batzuk eta haiekin batera egunkari txatalak, hiriko politikarien ustelkeria kasuak aipatuz. Gauzak zer diren, Eguberrietan \u201cnorbaitek\u201d instalazioa \u201cmoldatu\u201d du, artikuluetan agertzen ziren izenak irakur ez zitezen.
\nEta ginda: aipatutako inaugurazio kontzertuko beste izarretako bat Anna Gaja izan da, Kosice-iparreko alkatearen emaztea eta, azpian ikus dezakezuen bideokliparekin bere sormenaren gailurra ukitu zuena.
\n