{"id":4901,"date":"2017-06-16T10:26:05","date_gmt":"2017-06-16T08:26:05","guid":{"rendered":"http:\/\/www.argia.eus\/blogak\/boligrafo-gorria\/?p=4901"},"modified":"2017-06-16T10:26:05","modified_gmt":"2017-06-16T08:26:05","slug":"amets-amerikarraren-ifrentzua","status":"publish","type":"post","link":"https:\/\/blogak.argia.eus\/boligrafo-gorria\/2017\/06\/16\/amets-amerikarraren-ifrentzua\/","title":{"rendered":"Amets amerikarraren ifrentzua"},"content":{"rendered":"

\"Ume<\/a>
Ume autista baten ama da filmeko protagonista.<\/figcaption><\/figure>
\nHainbat sari irabazi ditu gaur estreinatuko den Anas Ckhovreba <\/em>(Anaren bizitza) filmak, hala nola, Kairoko zinema jaialdiko Fipresci saria eta film onenarena edo Valentziako Cinema Jove festibaleko pelikula onenarena; baina hala ere, Nino Basilia zuzendari georgiarraren debuta Hego Euskal Herriko areto bakarrean estreinatuko dute gaur, Bilboko Multicines 7n, gaztelaniazko azpitituluekin eta La vida de Anna<\/em> izenburuarekin.
\n
\nFilm soziala da Basiliaren hau, zeinak protagonista duen emakume bat, bere ardurapean dauzkana seme autista eta burua galtzen hasia den amona; enplegu bat baino gehiago behar du bizirauteko, umearen aita biologikoak apenas erantzuten baitio telefonoz deitzen dionean eta gainera, ukatu egin diote laguntza sozialak jasotzeko aukera. Egoera itogarria da, eta Anak ihes egin nahi du. Utopiak izen bat dauka: Amerikako Estatu Batuak.
\nMaiz mota honetako filmekin gertatzen den bezala, Basiliaren filma protagonistaren zorigaitzean gehitxo laketzen da agian, istorioak aurrera egin ahala hasieratik zeuzkan trabei problema are handiagoak erantsiz, geroz eta ate gehiago itxiz, kale itsu baterantz bideratuz \u2013nahiz eta haren lagun mina den Irmak desesperazioari kontrapuntu optimista eskaini\u2013.
\n