{"id":5421,"date":"2018-11-07T14:20:13","date_gmt":"2018-11-07T13:20:13","guid":{"rendered":"https:\/\/www.argia.eus\/blogak\/boligrafo-gorria\/?p=5421"},"modified":"2018-11-07T14:20:13","modified_gmt":"2018-11-07T13:20:13","slug":"montauk-taldearen-geruzak-diskoa-negu-hau-ez-dadila-joan","status":"publish","type":"post","link":"https:\/\/blogak.argia.eus\/boligrafo-gorria\/2018\/11\/07\/montauk-taldearen-geruzak-diskoa-negu-hau-ez-dadila-joan\/","title":{"rendered":"Montauk taldearen \u2018Geruzak\u2019 diskoa: negu hau ez dadila joan"},"content":{"rendered":"

\"\"
Aitor Garcia de Vicu\u00f1a (gitarrak eta sinteak), Gorka Etxebarria (bateria eta bibrafonoa), Urko Urzelai (baxua) eta Be\u00f1at Goitia (ahots eta gitarrak) dira Montauk taldeko partaideak.<\/figcaption><\/figure>
\nEzin esan Montauk taldeak harritu gaituenik. Zentzu positiboan: taldearen lehenbiziko diskoa entzun zuenak (Bilaketan<\/em>, 2016) ondo zekien gasteiztar hauek badutela zerbait.
\nEta iristen da lan berria zirkulazioan jartzen hasteko unea, aukeratzen dute Itzali da Berlin <\/em><\/a>aurrerapen kanta gisa, eta entzule hau behintzat, lehenbiziko entzunaldian harrapatzen du abestiaren iparreko atmosferak, elementu minimalekin osatzen doan giroak, hasierako intimismotik abiatuta hartzen duen erritmoak, dantza nostalgiko batera gonbidatzen zaituena Libe Garcia de Kortazarren ahotsak lagunduta. Pieza borobila, Slowdiveren soinua gogora ekartzen duena.
\nNoski, horren ondoren Geruzak<\/em><\/a> disko berria osorik entzuteko gogoz geratzen zara.
\n
\nEta iristen da: zazpi kantako lan bat, aurrekoaren aldean trinkoagoa dirudiena, disko osoak eduki behar zuen tonua argi daukan talde baten emaitza. Garapen luzeak dira Montauken etxeko marka, Geruzak<\/em>-eko kanta pare bat besterik ez daude bost minututik behera. Hartzak hotzez hiltzen<\/em> da horietako bat, diskoa irekitzen duena eta tempo<\/em> geldoetatik abiatuz amaiera indartsurantz eramaten zaituena.
\n