Otsailaren 8an, Gernikako Jai Alai pilotalekua bete egin zen Ibilaldia Elkarteak eta Gernika-Lumoko Kultur Etxeak elkarlanean antolatutako Benito Lertxundiren kontzertuaz gozatzeko. Sarrerak agortu ziren.<\/p>\n
Abeslari ezagun gipuzkoarrak Euskal Herriko toki eta adin ezberdinetako hainbat musikariekin batera \u201cOroimenaren oraina\u201d izeneko kontzertu dotorea eskaini zuen.\u00a0 Bi ordu eta erdi luze iraun zituen emanaldiak. Denbora tarte horretan, Benito Lertxundiren ahots grabeaz, Olatz Zugastiren eta Intza Unanueren ahots leunaz eta hainbat musika tresna ezberdinez, hala nola, pianoaz, biolontxeloaz, arpaz, perkusiozko tresnaz, gitarraz \u2026 sortutako doinu eta abesti goxoez gozatzeko aukera izan zuten. Eszenatokia kolorez aldatzen ziren sei euritetakoz eta hamar pantailaz apaindurik zegoen, bertan paisaiak: basoak, itsasoa \u2026 efektu erakargarri bat lortuz islatzen zirelarik.<\/p>\n
Gaueko bederatzietan publikoaren txalo artean artistak oholtzara heldu zirenean kontzertua hasi zen. Beharrezkoa eta eskertzen den puntualtasuna.<\/p>\n
Kontzertua oso ondo eta lasai zihoan aurrera, eta abesti bakoitzaren ostean ohikoa den txalo zaparradak entzun ziren, baina agurrak eta gero unerik beroenak eta hunkigarrienak ailegatu ziren<\/p>\n
Artista guztiak oholtzaren erdian elkartu eta agurtzen hasi ziren. Publikoak jesarrita txalotu zituzten, baina espero zitekeen \u201cbeste bat\u201d oihukatu beharrean, zenbait pertsonak abestien izenak eskatzen hasi ziren: \u201cBizkaia maite\u201d, \u201d Herribehera\u201d \u2026 horrek publikoaren algarak eragin zituen eta Benitok, umoretsu, \u00a0\u201csarrera batekin bi kontzertu nahi duzue\u201d erantzun zuen.<\/p>\n
Gau hotzari aurre eginez, pilotalekuko giroa berotuz joan zen. \u201cProbintzianismo kutreak\u201d gaindituz, gipuzkoarrak publikoaren laguntzarekin \u201cBizkaia maite\u201d eta \u201cEz zara inoiz bakarrik joango\u201d ,besteak beste, abestu zituen artisten eta publikoaren artean armonia paregabea sortuz.<\/p>\n
Baina momenturik beroenak, hunkigarrienak eta ederrenak bukaerarako gordeta zeuden. Benito Lertxundik mikrofonoa hartu zuen eta: \u201cAzken 50 urteetan herri honen lorpenik handiena ikastolak sortzea izan da.\u00a0 Diktadore bati, hatzaparretatik, hezkuntza kendu eta hezkuntza propio bat izatea handia izan zen\u201d. Hori lortzea denon artean posible izan zela azpimarratu zuen, \u201cdenon artean sortu ziren ikastolak\u201d. Argi eta garbi, herri hau batzen denean onena emateko gai da.<\/p>\n
Diskurtso hau omentzeko, Olatz Zugastik ikastolei eskeinitako \u201cBizirik gaudelako\u201d abestia Intza Unanuek bere ahots leunarekin kantatu zuen entzulegoaren bihotza xamurtuz; \u201cGU GARA ITURRI ZAHARREKO UR BERRIA\u201d.<\/p>\n
Beste momentu bero, hunkigarri, berezi eta aipagarri bat, Benitok, joandako adiskideak gogoarazteko \u201cXalbadorren heriotza\u201d abestu zuenean izan zen.<\/p>\n
Eta bukatzeko, falta ezin zitekeen abestia: \u201cZenbat gera\u201d. Publikoak, asetuta, zutik agurtu zituen artista guztiak.<\/p>\n
Plazer bat izan duk, Benito eta kontzertu hau posible izatea egin duzuen guztiak!<\/p>\n
![\"DSC_0069\"](\"https:\/\/blogak.argia.eus\/eneko-fernandez\/wp-content\/uploads\/sites\/76\/2014\/02\/DSC_0069.jpg\")
<\/a><\/em><\/p>\n