Zu ere Gaizka Garitano izan zaitezkeelako…<\/p>\n
“Auzia ez da izan ala ez izan. Nolako edo halako izan. Kontua ez da hori. Kontua ekitea da\u2026 Egiten duguna gara\u201d<\/em>. Besteak beste, horiek izan ziren Lorea Agirrek Korrikarako idatzitako eta ondoren irakurritako mezu sekretuan entzun genituen hitzak. Bestetik, orain dela hilabete eta erdi Gaizka Garitanok \u201ceuskaldunen iraultza txikiez\u201d ere mintzo zen.<\/p>\n Hain zuzen ere, Gaizka Garitano, Eibar taldeko entrenatzailea, Almerian ekiten hasi zen, bertan, sare sozialak eta askoren kontzientziak astindu dituen iraultza txiki bat aurrera eraman zuen EITBko kazetaria den Joseba Urkiolaren laguntzarekin. Nabarmentzekoa eta azpimarratzekoa ere izan zen Almeria taldeko prentsa arduradunaren jarrera, bertako kazetariei isiltasuna eta errespetua eskatuz, zinez txalogarria.<\/p>\n Denok dakigun bezala, Gaizka Garitano EITBko kazetariak euskaraz egindako galderari euskaraz erantzuten hasi zen. Taldearen porrota azaltzen zegoen bitartean, Almerian zeuden kazetari batzuek protesta egiten hasi ziren (birritan) entrenatzailearen eta euskal kazetariaren lana oztopatuz eta hizkuntza eskubideak eta adierazpen askatasuna errespetatu barik. Horrexegatik, prentsaurrekotik ospa egin zuen Gaizka Garitano Eibar futbol taldeko entrenatzaileak.<\/p>\n Ekintza honek oihartzun handia izan du. Sare sozialetan ikusi eta irakurri ahal izan den moduan, euskaldunok Gaizkaren \u201ciraultza txikia\u201d izugarri eskertu dugu. Bere jarrera eredugarri gisa hartu izan dute askok. Jasotako babesa eta miresmena ere handia izan da.<\/p>\n Hamaika txio ederren artean, Aitzol Barandiaranek honako galdera luzatzen zigun euskaldunoi: “Gaur Gaizka Garitanok egin duena bihar guk egingo bagenu tabernetan, dendetan, leihatiletan, busean…?”<\/em> Hau da, zer gertatuko litzateke euskal geografia \u201ciraultza txikiz\u201d beteko bagenu?<\/p>\n Zaila da galdera horri erantzutea, batek daki pentsatuko dute askok. Baina imajina dezagun, momentu batez sikiera, jatetxe batean bazkaltzeko edo afaltzeko mahaia eskatzerako orduan honako galdera hau luzatuko bagenu: Posiblea izango zaigu euskaraz afaltzea edo bazkaltzea?<\/em> Eta ezetz erantzutekotan, behin gure arrazoia adierazi ondoren, beste jatetxe baten bila abiatuko bagina. Astindu egingo ote zen bere kontzientzia? \u00a0Berdin-berdin jokatu genezake denda batean edo erakunde batean \u201cno entiendo\u201d<\/em> edo \u201cen castellano, por favor\u201d<\/em>\u00a0entzungo bagenu.<\/p>\n Hortaz, iraultza handiak ezinezkotzat edo utopikotzat hartzen diren garai honetan, \u201ciraultza txikiak\u201d gero eta beharrezkoagoak dira.<\/p>\n Bete dezagun Euskal Herria \u201ciraultza txikiz\u201d, hori ere gure esku dago eta!!!<\/p>\n Zeintzuk dira zuk egin dituzun \u201ciraultza txikiak\u201d?<\/p>\n #mileskerGaritano<\/p>\n