{"id":1783,"date":"2017-10-03T16:06:39","date_gmt":"2017-10-03T14:06:39","guid":{"rendered":"http:\/\/www.argia.eus\/blogak\/estitxu-eizagirre\/?p=1783"},"modified":"2017-10-03T16:06:39","modified_gmt":"2017-10-03T14:06:39","slug":"nou-barris-eskirolekin-enpatikoa-eta-eraginkorra-den-piketea","status":"publish","type":"post","link":"https:\/\/blogak.argia.eus\/estitxu-eizagirre\/2017\/10\/03\/nou-barris-eskirolekin-enpatikoa-eta-eraginkorra-den-piketea\/","title":{"rendered":"Nou Barris: Eskirolekin enpatikoa eta eraginkorra den piketea"},"content":{"rendered":"

Nou Barrisera jo dugu, langile auzune nagusia, andaluziarren eta Espainiako gainerako puntuetako etorkinen ondorengoak bizi direna, unionismoa nagusi den zonaldea. Nola erantzun ote dute Greba Orokor egunean, jakinik erreferendumaren egunean poliziak gehienetakoa jipoitu zuen auzunea bera izan zela?<\/p>\n

\"\"<\/a>

Piketean doazen hiru lagun: senyeraduna espa\u00f1oladunari korapiloa egiten. Bandera espa\u00f1ol horrek dio “Bozkatzea demokrazia da”. Parez pare dugunak Espainiako errepublikaren bandera darama.<\/p><\/div>\n

10:00 alderako iritsi gara, eta kale zabalenean behera pikete bila gabiltzala, sirena hots bizia aditu dugu, behin eta berriz: “polizia etorri da?!”. Hotsari segi diogu eta bai zera! Bonbero etxea sutan ikusi dugu, bonberoak ateetan kamioi denen sirenak eta argiak martxan. Goizerako antolatua zuten ekintzetako bat izan da, pikete informatiboa bonbero etxera joatea euren babesa txalotzera. Langileek, ezagunena egin den lemarekin jolastuz, [kaleak-en ordez] “bonberoak beti izango dira gureak!” egin diete oihu, eta bonberoek erantzun “bonberoak beti izango dira zuenak!”.<\/p>\n

\n

Nou Barrisen pikete informatiboa. Bonbero etxearen aurrean eskerronez #VagaGeneral3O<\/a> pic.twitter.com\/0PPeZZUKwp<\/a><\/p>\n

\u2014 ARGIA (@argia) 3 de octubre de 2017<\/a><\/p><\/blockquote>\n

Mercadona bat itxi<\/strong><\/p>\n

Bonbero etxetik 50 bat metrora dagoen Mercadonara sartu da piketea. Langileekin hitz egin nahi dutela, informazioa azaltzera etorri direla.<\/p>\n

\n

Nou Barriseko piketea @Mercadona<\/a> k gezurra diola salatzen: #VagaGeneral3O<\/a> egiten duten langileak mehatxatuta ditu pic.twitter.com\/n9yYH6qBUZ<\/a><\/p>\n

\u2014 ARGIA (@argia) 3 de octubre de 2017<\/a><\/p><\/blockquote>\n

Esan diete eurek ere badutela greba eskubidea, eta badakitela Mercadonak mehatxatu egiten dituela greba egin nahi duten langileak. Piketeak babesten dituela langile gisa, “gure arma onena, langile borroka!” oihukatu dute… Denbora batera, langileek esan dute baietz, itxi egingo dutela denda eta nagusiari deituko diotela jakinarazteko. Hala egin dute. Denda ertaina da neurriz, sei bat langile irten dira bertatik. Piketeak pozik ospatu du garaipen txiki hori.<\/p>\n

\n

Nou Barris @Mercadona<\/a> langileek erabaki berri dute ixtea. Nagusiei jakinarazi diete. Piketearen lorpen bat #VagaGeneral3O<\/a> pic.twitter.com\/sWv9NxDqY1<\/a><\/p>\n

\u2014 ARGIA (@argia) 3 de octubre de 2017<\/a><\/p><\/blockquote>\n

\n

“Nou Barris antifaxista” auzoko horman #VagaGeneral3O<\/a> pic.twitter.com\/XfZ6iVvoL9<\/a><\/p>\n

\u2014 ARGIA (@argia) 3 de octubre de 2017<\/a><\/p><\/blockquote>\n

El Corte Ingles eta komertzio txiki asko itxita<\/strong><\/p>\n

Bertatik bertara dagoen Corte Inglesera jo dute ondoren. 9:30etarako irekia behar zuen, 10:30ak badira, eta erabat itxita dago. Beste poz bat piketearentzat. Antolaketan eskarmentua duela ageri duen kide bati galdetu diogu, eta aurreko grebetan baino jarraipen handiagoa izaten ari dela esan digu: “Komertzio txiki gehienak daude itxita; bankuek ateak itxita dituzte baina bulego barruan ari dira lanean”. Komertzio handietan, Eroski-Caprabo irekita ikusi dugu, Condis katekoak guk ikusitako denak itxita…<\/p>\n

Nola negoziatzen den greba bat Mercadonarekin<\/strong><\/p>\n

Ehun bat metrora dago beste Mercadona bat, hau handia. Mercadonaz josia dagoela Bartzelona iruditu zaigu. Neurriz kanpoko zerbait.<\/p>\n

\n

Nou Barris: 100 m-ra beste @Mercadona<\/a> bat: langile ordezkaritza batekin bilera eske piketeak #VagaGeneral3O<\/a> pic.twitter.com\/bBTyjhSSdG<\/a><\/p>\n

\u2014 ARGIA (@argia) 3 de octubre de 2017<\/a><\/p><\/blockquote>\n

Berriro joan da piketeko lehen kide bat langileengatik galdetzera: tonu lasaian, eskuak zabalduta erakusten dituela, azalpen argiak ematen dizkie Greba Orokor eguna dela, hau pikete informatibo bat dela eta Mercadonako langileekin hitz egin nahi dutela, taldean antolatuta badaude ordezkariren batekin, eta bestela langile talde batekin. Langileak datozen bitartean galdezka hasi natzaio eta “ni ez naiz inongo sindikatuetakoa, hauetakoren batek hobe erantzungo dizu”. Kontxo! “sindikatukoa ez izateko oso ongi egiten duzu bada, komertzio batean eta bestean…”; “bitartekari lana beti da bitartekari lana…” erantzuna.<\/p>\n

CGT sindikatuak darama piketearen martxa, dauden pegatina bakanek euren logoa daramate, baina komertzioetan lehen hitza egitera, bidea irekitzera doana ez bada inongo sindikatutakoa, bada pentsatu dugu piketeak biltzen duen jendea orokorrean langile jendea dela.<\/p>\n

Lau bat langile atera dira atera, piketearekin hitz egitera. Orduan sindikatuko kide eskarmentudun batek hartu du hitza, eta zur eta lur utzi gaitu egoera kudeatzeko bere gaitasunak. Komatxo artean dendariaren hitzak, komatxorik gabe sindikatukoarenak. Azpimarratzekoa, sindikatukoak modu sendoan baina beti errespetuz eta gozo hitz egiten duela, dendaria da urduritasunak ahotsa goratzen diona:<\/p>\n