{"id":2313,"date":"2020-01-31T07:31:52","date_gmt":"2020-01-31T06:31:52","guid":{"rendered":"https:\/\/www.argia.eus\/blogak\/estitxu-eizagirre\/?p=2313"},"modified":"2020-01-31T07:31:52","modified_gmt":"2020-01-31T06:31:52","slug":"greban-gaude-bizitza-bizigarriak-nahi-ditugulako-lan-burujabea-oinarri","status":"publish","type":"post","link":"https:\/\/blogak.argia.eus\/estitxu-eizagirre\/2020\/01\/31\/greban-gaude-bizitza-bizigarriak-nahi-ditugulako-lan-burujabea-oinarri\/","title":{"rendered":"“Greban gaude, bizitza bizigarriak nahi ditugulako, lan burujabea oinarri”"},"content":{"rendered":"

\"\"<\/a><\/p>\n

“Ni nire lanpostuan baldintza duinetan nago, greba hau ez da niretzat”. Ez da lehen aldia izango horrelakorik entzun duzuna.<\/p>\n

Langileak jabe diren, enpresan modu demokratikoan antolatzen diren eta bizitza erdigunean jarriz gizartea aldatu nahi duten ekonomia sozial eraldatzailearen sarea da Olatukoop<\/a> (ARGIA ere bertako kide da). Langileak direnez jabe, ahalik baldintza onenetan egiten dute lan. Baina ez diezu komatxo artean dagoen esaldi-tranpa hori entzungo. Alderantziz, hara puntu batean zer dioten U30ean zabaldutako oharrean: “Greban gaude, herritarren eta komunitateen beharrei begiratu behar diegulako. Elkartasuna norberaren ongizatetik harago kokatuz. Despopulatutako lurraldeak, landa eremua eta bizitza prekarizatuak gehiengo diren hiri-auzoetako bearrak, denon behar bihurtuz jendarte kohesiorako estrategiak landu nahi ditugulako”.<\/p>\n

Be\u00f1at Irasuegi Olatukoopeko kideari luzatu diogu galdera hori bera, alegia, enpresako erabaki guztien jabe den langileak zergatik egin behar duen greba U30ean. Hauxe bere erantzuna:<\/p>\n

\n

Ekonomia sozial eraldatzaileko @birasuegi<\/a> – k azaldu du zergatik egin duten greba bere lan baldintzak langileek erabakitzen dituzten enpresek ere @OlatuKoop<\/a> pic.twitter.com\/lP0pWm4gx6<\/a><\/p>\n

\u2014 Estitxu Eizagirre (@eeizagirre) January 30, 2020<\/a><\/p><\/blockquote>\n

Merezi du “Greban gaude” behin eta berriz errepikatzen duen testua irakurtzea, bertan ekonomiaren ikuspegitik grebarako aldarrikapenak gehitu baitizkiote grebari. Esaterako: “Greban gaude, hegemonikoa den ekonomia eta jendarte eredua ez delako gurea. Bizitza bizigarriak nahi ditugulako. Lan burujabea oinarri, aberastasuna sortu eta banatzeko baliabideen jabetza kolektiboarekin. Ekonomia sozial eraldatzailea horretarako bidea da, eta den-dena nahi dugulako antolatzen ari gara”.<\/p>\n

Azken puntuan, eztabaida baten beharraz ohartarazi dute: “Greban gaude, kooperatibismoan eta ekonomia sozialaren baitan eztabaida beharrezkoa delako. Berez pertsonen alde egin behar lukeen ereduaren merkantilizazio prozesua gelditu nahi dugulako”.<\/p>\n

\"\"<\/a>Piknika McDonald’s aurrean<\/strong><\/p>\n

Donostiako manifestazioaren ostean, Bulebarreko McDonald’s aurrean egin dute piknika, etxetik ekarritako jakiekin. “Kapitalaren erdigune bihurtzen ari den Donostian”, “elikadura politizatzea” izan du ekintzak helburu, sareetan zabaldutako mezuaren arabera. Kide askok eskertu dute aktibismoa eta bizitza uztartzeko modu hau: “Bestela eguerdian hiri erdian aurkitzen duzu zure burua, ez duzu tabernetan kontsumitu nahi baina ordu asko dituzu oraindik aurretik… hurrengo manifestazioetarako ere oso ekimen ona iruditu zait, beharrezkoa” adierazi du piknikean parte hartu duen herritar batek.<\/p>\n

\n

Eta bai, jan eta edan dugu, baina #ElikaduraBurujabetza<\/a> kontuan izanik, gozatuz, eta ahal izan dugun neurrian elikadura ere politizatuz.
\nZabaldu behar dugun beste oinarrizko ildo bat.#ESEgreban<\/a> #GrebanGaude<\/a> #U30GrebaOrokorra<\/a>#ESE<\/a> ? @bibaardoak<\/a> #ArdozaleErradikalak<\/a> pic.twitter.com\/Gsyy1KVpZF<\/a><\/p>\n

\u2014 OlatuKoop (@OlatuKoop) January 30, 2020<\/a><\/p><\/blockquote>\n

“Jarrai dezagun dena eraldatzen, elkartasun sareak eraikitzen”<\/strong><\/p>\n

U30eko mobilizazioak jarraipena izan behar duela, mezu hori zabaldu du Olatukoopek sareetan: “Gaur gure gorputzak zeharkatu dituen elkartasun sare honek jarraipena izan behar du, ez diezagutela sentipena hitzekin edo eguneroko errealitate kapitalistarekin lapurtu. Greba egin dugu, bizitzaren alde inork gelditu ez gaitzan. Jarrai dezagun dena eraldatzen, elkartasun sareak eraikitzen”.<\/p>\n

Greba aurretik zabaldu zuten bideoa ikusita, pentsa liteke grebaren aurreko mezu antzekoarekin itxi dutela greba eguna bera. Grebaren biharamonean ere berdin balio du bideoak:<\/p>\n