Hiru emakume, zorro bete panfleto antinuklear bizkarrean hartuta, Hendaiako saltoki nagusiko atarira heldu dira. Supermerkatua \u2013zeinari mundu guztiak Champion txiki deitzen dion baina jabe berria duenetik Carrefour den\u2013, herriko zentroa izan ohi da goizetan, adin batetik gorakoen dantzatoki, bizitza sozialerako bilgune. Areago gaur, hil hasierako larunbata.<\/p>\n
Aldenik aldeko toldopean, paretari itsatsiak diruditen zaindariak izan ohi ditu: Arcachoneko ostra saltzailea, oinetakoak jartzeko gurarik ez duten bizpahiru eskale, haien zakur akitua eta kutxazain automatikoaren ondoko koska eserleku partikulartzat hartua duen matraka-zalea. Gaur ez dira ageri. Euriak beldurtuko zituen.<\/p>\n
Hiru emakume folioz armatuek militarki hartu dute tokia, edo bederen hala nahiko luke taldeko liderrak, manera zaharretan ikasitako aktibista ezkertiar beteranoa, joan den aspaldian ingurumenaren aldeko militantziari full time<\/em> emana. Erdiko pasabidean jarrita, akuilatu egiten ditu beste bi kideak, izatez eta arduraz apalagoak, panfletoa luzatzearekin batera leloren bat ozen bota dezaten, jendea kontzientziatzeko lanetan eraginkorrago, \u2018profesionalago\u2019, aritu daitezen. Ez da erraza.<\/p>\n Ibiltari harrituek, lehen kolpean Jehobaren Lekukoen atzaparretan erortzera doazela susmoa hartuta, maniobra disimulatuak inprobisatzen dituzte topaketa saihesteko. Adibidez, karramarroaren antzean zeharka ibiltzea, horrek estropezu egiteko aukerak biderkatuko badizkie ere. Adibidez, hil ala biziko presak hartuta trostan pasatzea. Adibidez, telefonotxoa atera eta ministro okupatuaren plantak egitea.<\/p>\n Hiruretan herabeenak, mundua salbatzeko motibazioa aspaldi galdu eta taldeko liderraren marmar dogmatikoak berriro ez aditzeagatik etorri denak, soziologia merkea eginez samurtuko du eguarte osoan luzatuko den estualdia. Jolas sinplea proposatzen dio bere buruari, atearen ertzean jarrita: urreratzen den biktima bakoitza zein multzotakoa den igartzea, eta horren arabera, panfletoaren aurrean nola jokatuko ote duen asmatzea.<\/p>\n Euskalduna bada, irribarrea zabalduz eta biziki eskertuz hartuko dio papera, \u201cegun on\u201d entzun orduko, aurkeztuko zaion gaia bost axolako bazaio ere. Gaztelaniaz mintzo den erdalduna bada, \u201cno entiendo\u201d lehorra esanez uxatuko du atrebentzia, pausoa bizkortuz, kopeta belztuz, eta bere hizkuntzan segida eman nahi izanez gero, \u201csi pero yo no soy de aqu\u00ed\u201d erantsiz, horrek holokausto nuklearretik ere salbatuko balu bezala.<\/p>\n Frantses hiztunak \u201cmerci\u201d esan eta oro har hartu egingo dio esku-orria. Horien artean batzuk, zahar jendeak, emakumezkoek, txanpon-zorrotxoa ateratzeko keinua egingo diote badaezpada, eta ufada lasaigarria atzetik, eskupekorik tokatzen ez dela adituta. Beste zenbaitek atzera itzuliko dio folioa. Begietara so, Frantziako lobby nuklearrak bere alde baliatzen dituen argudioak kantatuko dizkio buruz. Ez dio ezer diskutituko. Aire.<\/p>\n Eguneko sorpresa, hala ere, bere katalogazio sisteman aparteko azpimultzoa osatu beharko lukeen aiton berriketariak eman dio. Patrika zabaletik arkatza atera, eta hartu berri duen panfletoaren bazterrean eskema moduko bat zirriborratzen dion bitartean, bizikletetako dinamoaz mintzatu zaio, dinamoaren bidez sortzen den argindarraz.<\/p>\n \u201cHementxe duzu nuklearra saihesteko gakoetako bat\u201d, bota dio euforiko, bukatu berri duen obra piktorikoa erakutsiz. \u201cJar ditzagun preso guztiak bizikleta estatikoetan pedalak eragiten, bospasei orduz. Asma dezagun modua ahalegin hori sare elektrikora hel dadin, eta hortxe argia debalde. Egin dezatela hori planetaren alde, gizartearen kontura bizi ditun eta\u201d.<\/p>\n","protected":false},"excerpt":{"rendered":" Hiru emakume, zorro bete panfleto antinuklear bizkarrean hartuta, Hendaiako saltoki nagusiko atarira heldu dira. Supermerkatua \u2013zeinari mundu guztiak Champion txiki deitzen dion baina jabe berria duenetik Carrefour den\u2013, herriko zentroa izan ohi da goizetan, adin batetik gorakoen dantzatoki, bizitza sozialerako bilgune. Areago gaur, hil hasierako larunbata.<\/p>\n","protected":false},"author":85,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[25],"tags":[35,47,57,79,83],"class_list":["post-138","post","type-post","status-publish","format-standard","hentry","category-uncategorized","tag-antikuklearra","tag-energia","tag-hendaia","tag-panfletoak","tag-presoak"],"yoast_head":"\n