{"id":1316,"date":"2013-07-19T07:37:34","date_gmt":"2013-07-19T07:37:34","guid":{"rendered":"http:\/\/www.argia.eus\/blogak\/jon-torner\/?p=1316"},"modified":"2013-07-19T07:37:34","modified_gmt":"2013-07-19T07:37:34","slug":"rhgas6-dopinari-irekitako-ate-berria","status":"publish","type":"post","link":"https:\/\/blogak.argia.eus\/jon-torner\/2013\/07\/19\/rhgas6-dopinari-irekitako-ate-berria\/","title":{"rendered":"RhGas6: Dopinari irekitako ate berria?"},"content":{"rendered":"

Zer da RhGas6 delakoa? Ba al du loturarik dopinarekin? Pasaporte biologikoak detekta al dezake? Erantzun erabat zehatzak ematea zaila dela dioen arren, azalpen aberasgarriak eman ditu J.J. Muruzabalek (@Mr_Chon<\/a>) txirrindularitzari buruzko Cobbles&Hills webgunean.<\/p>\n

\"Pasaporte<\/a>

Pasaporte biologikoak errazago detekta ditzake EPO mailaren irregulartasunak, RhGas6 balio anormalak baino.<\/p><\/div>\n

Dopinari irekitako ate arriskutsua<\/em><\/a> idatzi du goiburuan, webgune espezializatuak haizatzen hasi diren substantziaz mintzo. Galdera-erantzunak laburrean jaso ditut nik, euskarara ekarrita.<\/p>\n

Zer da Gas6 delakoa?<\/strong><\/p>\n

Proteina bat da, organismoaren ehun batzuetan \u2013odol zeluletan esaterako\u2013 dagoen substantzia endogenoa.<\/p>\n

Gas6 giza-birkonbinatua (RhGas6) 10-20 \u00b5g-ko dosietan aurkezten da eta 300-500 euroko prezioa du.<\/p>\n

Zein eragin du organismoarengan?<\/strong><\/p>\n

2001az geroztik animaliekin egindako esperimentuek erakusten dutenez, RhGas6 birkonbinatuak plaketa-agregazioa eta ateroma-plaken eraketa bultzatzen ditu.<\/p>\n

Halaber, hematokrito maila handitzen du, 2008an arratoi anemiko batzuekin egindako esperimentuek erakutsi zuten moduan.<\/p>\n

Dopinarekin zein lotura du?<\/strong><\/p>\n

Eritropoietinaren (EPO)<\/a> antzeko efektua du. Hematokrito maila handitzen duenez, oxigeno gehiago garraia daiteke odoletik muskuluetara, eta hobetu egiten du kirolariaren errendimendua.<\/p>\n

EPO exogenoa eta RhGas6<\/strong><\/p>\n

Hematokrito baxua duten pazienteengan\u00a0 \u2013anemikoengan\u2013 eraginkortasun handiagoa du EPOak baino. Aldiz, balio \u201cnormalak\u201d erakusten dituzten pazienteengan, EPOa eraginkorragoa da.<\/p>\n

RhGas6 eta EPOa ez dira substantzia antagonikoak, osagarriak baizik.<\/p>\n

Debekaturik al dago?<\/strong><\/p>\n

Dopinaren Aurkako Nazioarteko Agentziaren (WADA-AMA)<\/a> kodeak ez du esplizituki debekatzen, baina inplizituki bai, \u201cOdolaren manipulazioa\u201d<\/a> atalean (1. puntua): \u201cDebekaturik dago edozein odol kantitate, zelula gorri edota hemoderibatuak administratu edo berriro sartzea\u201d.<\/p>\n

Kontrol batean detektatzerik ba al dago?<\/strong><\/p>\n

Detekta liteke, baina ezingo lirateke forma endogenoa (Gas6) eta birkonbinatua (RhGas6) berezitu.<\/p>\n

Pasaporte biologikoak<\/a> atzemango al luke?<\/strong><\/p>\n

Ez du ezkutuan pasatzerik lortzen, baina irregulartasunak aurkitzea EPOaren kasuan baino zailagoa da.<\/p>\n

Zein ondorio du RhGas6 erabiltzeak?<\/strong><\/p>\n

Sustantzia arriskutsua da, eta potentzialki kantzerigenoa.<\/p>\n

Gas6 proteinari buruzko informazio gehiago ingelesez:<\/strong><\/p>\n