{"id":1903,"date":"2014-02-20T10:34:24","date_gmt":"2014-02-20T10:34:24","guid":{"rendered":"http:\/\/www.argia.eus\/blogak\/jon-torner\/?p=1903"},"modified":"2014-02-20T10:34:24","modified_gmt":"2014-02-20T10:34:24","slug":"maccabi-non-bandera-palestinarra-bandera-ilegala","status":"publish","type":"post","link":"https:\/\/blogak.argia.eus\/jon-torner\/2014\/02\/20\/maccabi-non-bandera-palestinarra-bandera-ilegala\/","title":{"rendered":"Israeli boikota kirol arloan: Zergatik? Nola?"},"content":{"rendered":"
\""Palestinako<\/a>

“Palestinako bandera nazioarteak onartzen du, NBEk onartzen du, Unescok, COIk\u2026 baina Israelek ez. Horregatik zigortu gaituzte”. (Argazkia: Noticias de Alava)<\/p><\/div>\n

Israelen aurkako BDS boikot kanpaina kirol arloan <\/i>hitzaldia eman dute Hala Bedi irratiko Uhintifada<\/i> saioko kideek Gasteizen. Ekimeneko Koldo Alzolarekin mintzatu gara, Maccabi Tel Aviv saskibaloi taldea erdigune duen kanpainaz batetik, eta EH-Palestina<\/a> sareko ekintzaileei ezarritako zigorrei<\/a> buruz bestetik.<\/p>\n

Sei ekintzaile inputaturik eta 18.000 euroko isuna, hori da orain arte Maccabiren aurkako boikot ekintzengatik pairatu duzuen \u201cjazarpenaren\u201d emaitza\u2026<\/b><\/p>\n

Hala da. BDS<\/a> (Boikot, Desinbertsio, Zigor) kanpaina 2005ean jarri zen abian mundu mailan, Palestinako eragile politiko, sozial eta zibilek bultzatuta. EH-Palestina sarea mugimendu horren inguruan antolatu zen, eta 2007an hasi genituen Maccabiren aurkako ekintzak, Israelgo Estatuaren ordezkari nagusienetakoa den heinean.\u00a0 Bi ekintzaile Baskoniaren aurkako partida osteko prentsaurrekora sartu eta Maccabiko entrenatzailearen agerraldia eten zuten. Lehen ekintza hark ez zuen ondorio legalik izan. Bitxiena da hedabide mordoa zegoen arren ez zuela apenas oihartzunik izan.<\/p>\n

Ekintzak areagotzea erabaki genuen eta, era berean, bide formalagoak jorratzea. Erakundeekin bildu gara. Buesa Arena pabilioia Arabako Diputazioarena da. Haiekin bildu gara, Baskoniako ordezkariekin, Udalekoekin… Gure helburua da Maccabiren aurkako partidak ez jokatzea, ongietorririk ez egitea,\u00a0 eta bien bitartean, gutxienez Israelek eman nahi duen normaltasun itxura apurtzea, haien nahia baita partida hauen bitartez nazioartean duten irudi publikoa zuritzea.<\/p>\n

Zigorrak jaso dituzue “legez kanpoko ikurrak erakusteagatik”, izatez legezkoak direnean.<\/strong><\/p>\n

Kontuan izan behar da Maccabi Gasteizera datorrenean Israelek bere legedi edo jurisdikzioa ezartzen duela pabilioi barruan eta inguruan, bi kilometroko eremuan. Muga horien barruan ezin da protestaldirik egin. Desobedientzia zibilaren bidea hasi genuen. Kantxara salto egin genuen birritan, partida mozten saiatzeko. Bi lagun inputatu zituzten, baina ez kantxara salto egiteagatik, erakutsi genituen ikurrengatik baizik. Palestinako banderak ziren. Eta Palestinako bandera nazioarteak onartzen du, NBEk onartzen du, Unescok, COIk… baina Israelek ez. Soilik Israelgo legediak debekatzen du. Hango legedia aplikatu zuten Gasteizen.<\/p>\n

\""Sionismoa<\/a>

“Sionismoa ideologia arrazistatzat onartua dago nazioartean, hura arbuiatzea inon ez da delitu, Israelen salbu”<\/p><\/div>\n

Inputatuetako beste batzuk harmailetan zeuden. 2012an, Indar Baskoniako hiru zalek salaketa jaso zuten, Sionismoa akatu<\/em> lelodun pankarta erakusteagatik. “Terrorismoa goraipatzen” omen zuen. Baina sionismoa salatzea ez da delitu. Sionismoa ideologia arrazistatzat onartua dago nazioartean, hura arbuiatzea inon ez da delitu, Israelen salbu. Maccabi babes diplomatikoarekin dator, Israelgo ordezkaritza ofiziala delako.<\/p>\n

Azkeneko partidan protesta gizarteratzen saiatu ginen. Ekintza sinboliko bi egin genituen. Maccabi kantxaratzean bizkarra emateko eskatu genien zaleei, eta partidaren ordulariak 19:48 markatzen zuenean berriro egin genuen gauza bera, bizkarra eman genuen, oihu egin, Israelgo Estatua 1948an jaio zela-eta. Orduan atera zuten Indar Baskoniakoek aipatu pankarta.<\/p>\n

Maccabi da ikur nagusia, baina talde israeldar gehiago lehiatu da gurean, Hapoel adibidez.<\/strong><\/p>\n

Kirol arloan BDS mugimenduak ez du aldarrikatzen boikota talde edota kirolari israeldarren kontra, baizik eta Israelgo estatuaren ordezkaritza lana egiten dutenen kontra. Zentzu horretan, kirol taldeei boikota egin ala ez banan-banan aztertzen dugu.\u00a0Hapoel Kiryat Shmona<\/a> futbol taldea okupatutako hiri batean sortu zen, arabiarrei lapurtutako lurretan. Gure helburu bihurtu zen beraz. Athleticen aurkako partidan protesta ikusgarria<\/a> bultzatu zuten Bilboko zaleek iaz.<\/p>\n

\""Hapoel<\/a>

“Hapoel futbol taldea okupatutako hiri batean sortu zen, arabiarrei lapurtutako lurretan”.<\/p><\/div>\n

Zein da horrelako ekintzen inspirazio iturria? Eredurik baduzue ala hutsetik sortuak dira?<\/strong><\/p>\n

Esan beharra dago kirola eremu oso labainkorra dela. Kirola kirola dela esaten digute, ez dela politikarekin nahastu behar, betidanik nahastuta egon direnean. Erregimen orok baliatu du kirola bere intereserako, naziek, esaterako, arraza zuriaren supremazia adierazteko. Boikot kanpainen erreferentea Hegoafrikako apartheid<\/em>aren aurkako borroka da. Garrantzia handia izan zuen errugbi talde nazionalaren aurkako kanpainak, zurien supremaziaren ikurra zen neurrian. Kirolak balio sinboliko handia du, eta bide horretatik saiatzen gara normaltasun itxura apurtzen.<\/p>\n

BDS egitasmoaren baitan elkarlanean aritzen al zarete?<\/strong><\/p>\n

Mugimenduak ez du estrategia zehatza markatzen. Helburuak bai, baina eman beharreko urratsak lekuan lekuko usadio eta baliabideek markatzen dituzte. Espainiako Estatuari dagokionez, Katalunian eta Andaluzian ere mugimendu handi samarra dago, nahiz eta baden alderik Euskal Herriarekin: Duela bost urte, Bartzelona-Maccabi partida batean, hamar zalek kantxara salto egin eta norgehiagoka eten behar izan zuten. 60 euroko isuna jaso zuen bakoitzak…<\/p>\n