{"id":2047,"date":"2014-04-09T09:56:00","date_gmt":"2014-04-09T09:56:00","guid":{"rendered":"http:\/\/www.argia.eus\/blogak\/jon-torner\/?p=2047"},"modified":"2014-04-09T09:56:00","modified_gmt":"2014-04-09T09:56:00","slug":"realak-egindako-fitxaketa-onena-omen","status":"publish","type":"post","link":"https:\/\/blogak.argia.eus\/jon-torner\/2014\/04\/09\/realak-egindako-fitxaketa-onena-omen\/","title":{"rendered":"San Mames Barriak diru publikoa jaso badu, guk zergatik ez?"},"content":{"rendered":"
\"42.300<\/a>

42.300 ikuslerentzako lekua izango du Anoeta estadioak.<\/p><\/div>\n

“Realak egin duen fitxaketa onena”. Hala definitu du<\/a> Realeko presidente Jokin Aperribayk, Anoeta estadioa birmoldatzeko proiektu berria<\/a>.<\/p>\n

<\/p>\n

Proiektu berriak 43,8 milioi euroko kostua<\/strong> izango luke. Realak, hasiera batean, 20 milioi euro jarriko ditu. Halaber, Kutxabankekin sinatu nahi duen publizitate akordioa medio, talde gipuzkoarrak 10 milioi euro gehiago jasoko lituzke.<\/p>\n

Gainerako 10 milioiak Eusko Jaurlaritzak bideratuko ditu. Aperribayren hitzetan, ez da Realarentzako dirua: “Anoeta Kiroldegira bideratuko da, eta Udalak deituko duen lehiaketa irabaziko duenak jasoko du”. Alegia, Realak, itxura guztien arabera hura soilik aurkeztuko baita lehiaketara. Gipuzkoako Foru Aldundiarekin ere harremanetan dago Reala.<\/p>\n

Birmoldatze lanak zein enpresek egingo dituzten ikusteke dago oraindik.<\/p>\n

San Mames Barriak diru publikoa jaso badu, guk zergatik ez?<\/strong><\/p>\n

Realzale askok erantzungo dizute gauza bera, Jaurlaritzak emandako 10 milioi euroko laguntzaz galdetzen badiezue. “Haiek askoz ere gehiago jaso zuten<\/a>, gainera! Agian ez da zuzenena, baina…”.<\/p>\n

Parterik handiena \u201330 milioi euro\u2013 Realak jarriko dituela ere esango dizuete, “entitate pribatu batek”, alegia. Eta hortxe hasiko dira ika-mikak: Reala eta hura babestuko duen Kutxabank entitate pribatuak dira, ala publikoak? Anoeta publikoa da, ala pribatua? Futbol taldeak pribatuak dira, ala publikoak? Eta eztabaidak bizi-bizi egingo du aurrera, inon ez amaitzeko sarriegi: Anoeta estadioa Donostiako Udalarena dela, administrazioek Realari emandako diru-laguntzak, Kutxabanken pribatizazio prozesua, talde zuri-urdina aitzakia hiriburura doazen bisitarien ekarpen ekonomikoa, kirol profesionalak \u2013futbolak\u2013 gizartean duen eragina eta abar eta abar.<\/p>\n

Gaur gaurkoz tamainako inbertsioa egin behar ote den ezbaian jarri du askok \u2013gastu sozialak buruan\u2013, baita Realak horrelako futbol zelaia behar ote duen ere, ez hainbeste atletismo pista kendu eta bestelako birmoldaketa batzuengatik \u2013horiek positibotzat jo dira oro har\u2013, izango duen tamainagatik baizik.<\/p>\n

Guztira 42.300 eserleku<\/strong> izango ditu, gaur egun baino 10.000 gehiago, Realak, 25.000 bazkide inguru dituenean, 2013ko datuen arabera. Hori bai, Futbol \u2013eta errugbi\u2013 partidez gain, kontzertuak eta bestelako ikuskizunak hartuko ditu Anoeta berriak ere.<\/p>\n

Atletismo pista kendu eta harmaila nagusiak zelairaino gerturatuko dituzte. Aurreko proiektuaren antzekoa da, baina dorrerik gabekoa. EAEko Justizia Auzitegi Nagusiak atzera bota zuen proiektu hura, ez zegoelako arrazoirik zelaiaren lau ertzeetan dorreak eraikitzeko. Lanak 2015eko udaberrian hasi eta 2017ko azaro edo abenduan amaituko dira, aurreikuspenen arabera.<\/p>\n