{"id":2848,"date":"2015-01-15T08:49:44","date_gmt":"2015-01-15T08:49:44","guid":{"rendered":"http:\/\/www.argia.eus\/blogak\/jon-torner\/?p=2848"},"modified":"2015-01-15T08:49:44","modified_gmt":"2015-01-15T08:49:44","slug":"asturiar-banderarekin-helmugaratzeagatik-txirrindulari-bat-zigortu-du-espainiako-federazioak","status":"publish","type":"post","link":"https:\/\/blogak.argia.eus\/jon-torner\/2015\/01\/15\/asturiar-banderarekin-helmugaratzeagatik-txirrindulari-bat-zigortu-du-espainiako-federazioak\/","title":{"rendered":"Asturiar banderarekin helmugaratzeagatik, txirrindulari bat zigortu du Espainiako Federazioak"},"content":{"rendered":"
\"Rocio<\/a>

Rocio Gamonal, Espainiako ziklokross txapelduna, asturiar bandera eskuetan. (Argazkia: EFE)<\/p><\/div>\n

[Zuzenketa] Haritz Mujikak<\/a> jarri nau benetan gertatutakoaren arrastoan: “Araudiak debekatzen duena proba amaitu aurretik bandera eskuetan hartzea da. Izan Asturiasekoa, Espainakoa edo Euskal Herrikoa”. Nik pentsatzen nuen, Espainiako Txirrindularitza Federazioaren araudia<\/a> eskuetan, soilik sari-banaketan zegoela debekaturik hainbat elementu erakustea. Antza, ordea, lasterketa aurretik egindako bilera teknikoan, ziklokross txapelketako antolatzaileek espreski eskatu zuten<\/a> helmuga zeharkatu bitartean ere banderarik-eta ez erakusteko,”aldarrikapen politikoak egiteko baliatu daitekeelako eta gainerako kirolariak arriskuan jar daitezkeelako”.<\/p>\n

Gamonal bakar-bakarrik sartu zen helmugara, eta asturiar banderak ez du konnotazio politiko “arrarorik”, baina tira…<\/p>\n

—– —– —–<\/p>\n

Espainiako Txirrindularitza Federazioak 100 franko suitzarreko (83,27 euroko) isuna ezarri dio Rocio Gamonali, Xixonen (Asturias) jokatutako Espainiako ziklokross txapelketan asturiar bandera eskuetan zuela helmugaratzeagatik<\/a>. Lasterketa seigarrenez irabazi duen txirrindulariak jasotako isuna txikia izanagatik, haserrea eragin du Asturiaseko alderdi politiko eta herritar batzuen artean.<\/p>\n

PAS alderdiak<\/a> esker ona adierazio dio Gamonali bere herriarekiko maitasuna azaleratzeagatik, eta prest agertu da aipatu isuna eta kirolariek arrazoi beragatik jaso ditzaketen beste batzuk ordaintzeko. IUk<\/a>, bestalde, salatu du Federazioak asturiar bandera debekatzen duela “frankismoak egiten zuen bezala”.<\/p>\n

Araudia<\/strong><\/p>\n

Espainiako Txirrindularitza Federazioaren araudia (pdf)<\/a>. D2 arauak (6. orrian) sari-banaketa ekitaldian erakutsi ezin daitezkeen elementuei egiten die erreferentzia.<\/p>\n

2011ko Europako 19 urtez azpiko futbol txapelketa<\/strong><\/p>\n

Sare sozialetan euren haserrea azaldu duten herritarrek gogorarazi dute 2011n Espainiako 19 urtez azpiko futbol selekzioa Europako txapelketa irabazi izana ospatzen ari zela, Gin\u00e9s Mel\u00e9ndez entrenatzaileak Juan Mu\u00f1iz jokalariari asturiar bandera nola kendu zion:<\/p>\n