{"id":4177,"date":"2016-11-07T10:55:37","date_gmt":"2016-11-07T09:55:37","guid":{"rendered":"http:\/\/www.argia.eus\/blogak\/jon-torner\/?p=4177"},"modified":"2016-11-07T10:55:37","modified_gmt":"2016-11-07T09:55:37","slug":"philip-kerr-nobela-beltzen-idazlea-letrak-eta-futbola-ekimenean","status":"publish","type":"post","link":"https:\/\/blogak.argia.eus\/jon-torner\/2016\/11\/07\/philip-kerr-nobela-beltzen-idazlea-letrak-eta-futbola-ekimenean\/","title":{"rendered":"Philip Kerr nobela beltzen idazlea, “Letrak eta futbola” ekimenean"},"content":{"rendered":"

Gaur, astelehena, abiatuko da Athletic Club Fundazioak zazpigarrenez antolatu duen Letrak eta futbola<\/a>, literatura eta futbola lotzen dituen jaialdia. Roberto Ferro aktoreak Mr Pichichi malabar eta clown ikuskizuna eskainiko du 18:30ean San Mames estadioaren kanpoaldean, 23 eta 24 ateen artean. Ordubete beranduago, Philip Kerr<\/a> nobela beltzen idazleak (Edinburgo, 1956) hitzaldia emango du San Mameseko VIP gunean. Kerr-ek argitaratu dituen azken liburuetako hiruk (January Window<\/i>, Hand of God<\/i> eta False Nine<\/i>) Scott Manson dute protagonista, detektibe aritzea egokitu zaion London City taldeko bigarren entrenatzailea.<\/p>\n

\"Edinburgh<\/a>

Philip Kerr idazlea da aurtengo edizioko fitxajeetako bat \/ Edinburgh Evening News<\/p><\/div>\n

Egiari zor, nobela beltzaren zale naizen arren, ez nuen liburu horien berri; badut beraz Letrak eta futbola<\/em> ekimenari zer eskertu \ud83d\ude09 Oraingoz, sail honetako aurreneko bi liburuak publikatu dira gaztelaniaz (Mercado de invierno<\/a><\/em> eta La mano de Dios<\/a><\/em>) eta frantsesez (Le Mercato d’hiver<\/a> <\/i>eta\u00a0La Main de Dieu<\/a><\/i>).<\/p>\n

Idazle ugari futbolaz solasean<\/strong><\/p>\n

Asteartean, hilak 8, jarraituko du egitarauak, Unai Elorriaga, Ander Izagirre, Katixa Agirre eta Lutxo Egia bilduko dituen Futbola eta idazleak<\/em> euskarazko mahai-inguruarekin.<\/p>\n

Gaztelaniaz egingo da, bestalde, asteazkeneko mahai-ingurua: Futbola kulturatik<\/em> gaiaz arituko dira Juan soto, Miguel Angel Hern\u00e1ndez, Agust\u00edn Fern\u00e1ndez eta Pablo Moi\u00f1o.<\/p>\n

Ostegunean Pablo Nacach, Patxi Zubizarreta, Jasone Osoro eta Julen Gabiriaren txanda helduko da: Futbola eta literatura haurrentzat eta gazteentzat<\/em> gaiaren bueltan hitz egingo dute gaztelaniaz (euskarara aldi bereko itzulpenarekin).<\/p>\n

Egitaraua ixteko, ostiralean literaturaz, futbolaz eta bi mundu horiek elkartzen eta aldentzen dituen guztiaz ariko dira H\u00e9ctor Abad, Jordi Punt\u00ed eta Kike Martin, gaztelaniaz.<\/p>\n