Sarunas Jasikevicius saskibaloi jokalari ohi eta Zalgiris taldeko entrenatzailearen prentsaurrekoa, Lituaniako Ligaren final-erdietako hirugarren partida eta gero. Kazetariak galdetzen dio ea zer pentsatzen duen Augusto Lima pibotaren hutsuneari buruz, partida hura jokatu ez zuena ospitalera joan zelako, bere semea jaiotzear zela-eta. Merezi du erantzuna entzuteak (azpialdean duzue gaztelaniara itzulitako bideoa).<\/p>\n
Hona pasartea euskaraturik:<\/p>\n
Kazetaria<\/strong>: Zer pentsatzen duzu kanporaketa-fasearen erdian Augusto Limak hemendik ospa egiteari buruz, bere semea jaiotzean bertan egon nahi duelako?<\/p>\n Jasikevicius<\/strong>: Zer pentsatzen dudan? Nik utzi diot.<\/p>\n Kazetaria<\/strong>: Baina… hori normala al da final-erdi batzuetan?<\/p>\n Jasikevicius<\/strong>: Baduzu seme-alabarik? Dauzkazunean, ulertuko duzu. Esperientziarik onena da. Garrantzitsuena saskibaloia dela uste al duzu?<\/p>\n Kazetaria<\/strong>: Ez, baina final-erdiak dira eta hori garrantzitsua da.<\/p>\n Jasikevicius<\/strong>: Final-erdiak? Zer da garrantzitsua?<\/p>\n Kazetaria<\/strong>: Taldea<\/p>\n Jasikevicius<\/strong>: Zein talde?<\/p>\n Kazetaria<\/strong>: Zalgiris<\/p>\n Jasikevicius<\/strong>: Ikusi al dituzu zaleak partidan zehar? Garrantzitsua? Aita zarenean ulertuko duzu zer den bizitza honetan garrantzitsuena. Etorri orduan eta esadazu. Munduko gauzarik onena da. Sinetsadazu, tituluak edo beste edozer baino hobea. Augusto Lima uneotan zeruan dago emozionalki, eta pozten naiz beragatik.<\/p>\n