{"id":4513,"date":"2017-06-09T11:06:27","date_gmt":"2017-06-09T09:06:27","guid":{"rendered":"http:\/\/www.argia.eus\/blogak\/jon-torner\/?p=4513"},"modified":"2017-06-09T11:06:27","modified_gmt":"2017-06-09T09:06:27","slug":"emakumezkoen-arraunean-gauza-asko-finkatzeke","status":"publish","type":"post","link":"https:\/\/blogak.argia.eus\/jon-torner\/2017\/06\/09\/emakumezkoen-arraunean-gauza-asko-finkatzeke\/","title":{"rendered":"Emakumezkoen arraunean “gauza asko” dago finkatzeko"},"content":{"rendered":"
\"San<\/a>

San Juanek irabazi du Euskotren Liga azken hiru denboraldietan.<\/p><\/div>\n

Hamar traineruk parte hartuko dute emakumezkoen Euskotren Ligako sailkapen fasean, izena emana zeukaten Zumaiak eta Hondarribiak lehiatzeari uko egin ostean<\/a>. Taldea osatzeko behar adina neska elkartu ez duelako<\/a> egin du atzera Hondarribiak; eta barne-gorabehera batzuengatik Zumaiak, nahiz eta segurutzat jotzen zen aurten trainerua aterako zuela, Baleike.eus-ek nabarmendu bezala<\/a>.<\/p>\n

Gauzak horrela, sei traineru gipuzkoar (Arraun Lagunak, Hernani, Hibaika, Donostiarra, Orio eta San Juan), hiru bizkaitar (Deustu, Portugalete eta Lea Artibai) eta galiziar bat (Cabo) arituko dira Orio eta Donostiako sailkapen-estropadetan, uztailaren 8an eta 9an. Haietako lau lehiatuko dira Eusko Tren Ligan<\/a>: uztailaren 22an Santanderren, 23an Pasaian, 29an Getxon, 30ean Zierbenan eta abuztuaren 19an eta 20an Zarautzen.<\/p>\n

San Juanek irabazi zuen 2016ko edizioa, aurreko biak bezalaxe, 30 punturekin. Hibaika sailkatu zen bigarren (26), Orio hirugarren (15) eta Cabo laugarren (9).<\/p>\n

“Oraindik gauza asko dago finkatzeko emakumeen arraunean”<\/strong><\/p>\n

San Juan traineruko arraunlari Irati I\u00f1arraren hitzak dira goikoak, Jon Ander De la Hoz Arregi kazetariak jasoak ARGIAren 2.519. zenbakian, Kontxako Banderari buruzko erreportajean: Berdintasunaren bidean, oinarri sendorik gabe<\/a>. “Pentsa, lehen 8.000 euro jasotzen zituen Banderaren irabazleak, eta 12.000ra igo zuten iaz [2015ean]; Ongi etorria da, baina ez dakit zein irizpide erabiltzen duten aldaketa horiek egiteko”, zioen I\u00f1arrak. San Juango arraunlariaren esanetan, eurek 2.778 metroko estropada jokatzeak \u2013gizonezkoek bikoitza egiten dute\u2013 zerikusia du sarien tamainarekin: \u201cAztertu beharko da hori ere. Aldaketa asko daude egiteko, eta urteen poderioz egin behar da hori, soseguz eztabaidatuta. Gauzak kolpetik erabakitzeak luzera ez du ezertarako balio\u201d.<\/p>\n

\"Donostia\"<\/a>

Donostiako Arraun Lagunak trainerua, Kontxako badian \/ Imgrum<\/p><\/div>\n

Donostia Arraun Lagunak elkarteko Edurne Morenok ere aldaketaren beharra ikusten zuen, baita sariei dagokienez ere: \u201cGuri ematen diguten argudioa da lehiatzeko aukera ematen digutela bidea erraztuz, baina diruarena beste kontu bat dela\u201d. Luga\u00f1eneko tostakidearen ustetan egoera \u201clotsagarria da, baina gizartea oker dagoen bitartean ez pentsa arrauna aldatuko denik. Batzuok ordaindu egin behar izaten dugu arraun egiteko, beste batzuek diru kopuru handiak jasotzen dituzten bitartean\u201d.<\/p>\n

Emakumezkoen arraunaz ARGIAn:<\/strong><\/p>\n

Boga-boga batelera.<\/a> Ez dira urte asko pasa emakumeak traineruetara igo zirenetik. Pasai Donibanen (Gipuzkoa) 2010ean osatu zuten Batelerak tripulazioa. Hala ere, historia luzea dauka bertako emakumeen arraunak eta olatu ugariri aurre eginda, gainean mantendu dira.<\/p>\n

Olatu ona harrapatu nahian.<\/a> Txingudiko Badia, Zaragozako Expo, Kontxa, EuskoTren Liga, Gipuzkoako Liga… Nesken traineruen ibilbidea da hori. Alabaina, aspalditik ari dira arraunean; esertoki mugikorrean, bateletan eta trainerilletan, nahiz eta ikusi, orain ikusten ditugun.<\/p>\n

Arraunean, kontsolazio txandan oraingoz [BIDEOA]<\/a><\/p>\n