![\"\"](\"https:\/\/blogak.argia.eus\/jon-torner\/wp-content\/uploads\/sites\/20\/2020\/06\/hildako0.jpg\")
<\/a>Hilerritik onik ateratzeko zein estrategia baliatu erabaki beharko dute jokalariek…<\/p><\/div>\n
“Hildako bizidunen gaua”<\/a> (pdf) karta-jokoan 1-6 pertsona aritu daitezke. Guztiak elkarlanean, jokoaren beraren adimen artifizialaren aurka. Denek egingo dute hilerritik ihes, ala bakarrak ere ez. Beharrezkoa da elkar laguntzea, hildako bizidunak garaitu eta buru-hausteak argitzeko.<\/p>\n Zergatik 1984ko Manchester? “Hildako bizidunen gaua” estrategia-jokoa “Space Hulk: Death Angel”<\/a> izenekoan oinarritua dago, 2010ean Ingalaterran merkaturatua \u20131989an sortutako tablero-jokoaren<\/a> segida gisa\u2013, baina jada katalogoz kanpo dagoena. Hura, ordea, espazioan kokaturik zegoen, estralurtarren munduan. Euskarazko bertsioa lurtarragoa da. Halaxe azaldu digute jokoaren sortzaileek<\/a>: “Bagenuen gogoa ‘Space Hulk’ moduko zeozer sortzeko euskaraz. Baina jatorrizko jokoaren gaia ez genuen oso gustukoa. Beldurrezko filmen zaleak gara, Elm Street-eko amesgaiztoa<\/em>, Hildako bizidunen itzulera<\/em>… gisa horretako pelikulen erreferentziak aurki daitezke joko honetan. 1984ko Manchesterrek badu Euskal Herriaren nolabaiteko antza, industria horrekin guztiarekin, musika mugimendua… Jokoaren pertsonaietako batek adibidez Syd du izena, Sid Vicious gogoan…”. Erreferentzia horiek ordea azalekoak dira, karta-joko honetan berdin-berdin aritu daitezke 16 urteko gazteak, edota 45eko ez hain gazteak.<\/p>\n Jokoaren karta batzuk. Hainbat “tributan” daude sailkatuak pertsonaiak.<\/p><\/div>\n Euskarazko jokoaren sortzaileek “Space Hulk” jokoaren erdarazko arau-liburua topatu zuten Interneten, eta hura baliatu dute oinarri bezala. Hasiera batean zerbait “pertsonala” balitz bezala planteatu zuten, euren gustukoa zen zerbait egin nahi zuten, bakarka edo lagunekin jokatzeko. “Baina, behin gida-liburua osatuta, zergatik ez libre zabaldu, jendea euskaraz aritu zedin gisa honetako joko batean?”. Izan ere, lan eskerga egin dute sortzaileek. 85 orrialdeko arau-liburua<\/a> (pdf) sareratu dute libreki deskargatzeko moduan. Jokoaren nondik-norakoak azaltzeaz gain, kartak inprimatu\/plastifikatzeko pausoak ere jaso dituzte.<\/p>\n Jatorrizko jokoarekin alderatuta, euskarazkoak baditu ezaugarri berezi batzuk. Esaterako, bertsio honetan jokalariek hitz egin ahal dute euren artean. “Space Hulk” arrakastaz amaitzea ez da erraza, eta euskarazkoaren sortzaileek errazagoa egingo duten arauak asmatu dituzte.<\/p>\n Sarean dagoena behin-behineko bertsioa da. Sortzaileen asmoa da jendea jokatzen hastea, eta egoki ikusiz gero hobekuntzak proposatzea, behin-betiko bertsioa egiteko.<\/p>\n Abestia ere egin dute jokoaren sortzaileek:<\/p>\n<\/a>