{"id":1181,"date":"2013-02-21T16:34:15","date_gmt":"2013-02-21T16:34:15","guid":{"rendered":"http:\/\/www.argia.eus\/blogak\/lander-arbelaitz\/?p=1181"},"modified":"2013-02-21T16:34:15","modified_gmt":"2013-02-21T16:34:15","slug":"zer-gertatuko-litzateke-kataluniak-independentzia-lortuko-balu","status":"publish","type":"post","link":"https:\/\/blogak.argia.eus\/lander-arbelaitz\/2013\/02\/21\/zer-gertatuko-litzateke-kataluniak-independentzia-lortuko-balu\/","title":{"rendered":"Dokumental bat independentziaz zalatzak dituzten kataluniarrak konbentziteko"},"content":{"rendered":"
\"Zer<\/a>

Zer gertatuko litzateke Kataluniak independentzia lortuko balu?<\/p><\/div>\n

Europan crowdfunding bidez finantzazio handiena lortu duen proiektua da L’Endema<\/em>\u00a0dokumental kataluniarra dagoeneko. Eta dagoeneko diot, hamaika egunetan bakarrik lortu dutelako helburu jarri zituzten 150.000 euroak. Oraindik 20 egun falta dira, eta beraz,\u00a0jendea ekarpenak egiten ari da<\/a>. Sarrera hau idazteko unean, 177.465\u20ac jarriak dituzte, eta gora jarraituko duela dudarik ez.L’endema, repostes per a decidir<\/em> edo Biharamuna,\u00a0erabaki ahal izateko erantzunak<\/em> 2014rako amaitu nahi duten dokumentala da. Kataluniako independentziaren gaia jorratuko du, baina independentzia erreferendumean zer bozkatu erabaki ez duten horiei zuzenduta. Hortik izenburuko ideia: etorkizuna fundamentuz erabaki ahal izateko batek dituen galderen erantzunak. Zuzendaria Isona Passola izango da, sari pila irabazi duen P\u00e1 Negre<\/a><\/em> filmeko produkzio arduraduna eta Catalunya-Espa\u00f1a<\/em> dokumentaleko zuzendaria (ikusi hemen azken horren trailerra)<\/a>. Ondorengoa dio proiektua azaltzeko orrian<\/a>:<\/p>\n

Kataluniarrok eraikitzear gauden Estatuari buruzko filma da, eta behin betiko argumentu teknikoak jasoko ditugu,\u00a0jendeak baietz erabakitzeko izan ditzaken beldurren aurkako pilulak bailiran.<\/p><\/blockquote>\n

\"%29<\/a>

%29 horri zuzendutako lana izango da L’endema.<\/p><\/div>\n

Inkestek diotenez, Kataluniako printzerriko herritarren %51k independentziaren alde bozkatuko luke balizko erreferendum batean, baina horietatik \u00a0%15ek oraindik atzera egin lezake momentuko klima sozial eta politikoaren arabera.<\/p>\n

Herritarren beste erdiak, %20k aurka bozkatuko luke, eta gainontzeko %29 zalantzan dagoen jendea da. Azken horien erdia, hau da, %15, independentista izan gabe, gauzak ongi egingo lituzkeen estatu erradikalki demokratiko baten alde egon litekeela kalkulatzen dute dokumentalaren egileek. Horiek herrialde berri baten aldeko botoa eman dezaten konbentzitzea izango da proiektu honen helburua.<\/p>\n

Zein alor ukituko ditu filmeak?<\/strong><\/p>\n

Beraiek diotenez, argumentu argi, sendo, fidagarri eta kontrastatuak emateko asmoa dute, \u00a0eta horretarako herrialdeko eta nazioarteko figurak elkarrizketatuko dituzte. Behin proiektua amaituta, “Beldurraren aurkako pilulak” izenburupean sarean jarriko dituzte ondorioak bideo solteetan.<\/p>\n

Erantzun asmo dituzten hainbat galdera ere aipatzen dituzte webgunean:<\/p>\n

– Zer gertatuko da Kataluniak independentzia lortzen badu?
\n– Ba al dakizue gure herrialdeak behar duguna baino energia gehiago produzi dezakeela?
\n– Ba al dakizue gure hezkuntza proposamenak, hain mespretxatua izan denak, Frantzian eta Erresuma Batuan baino hobeto erraz dezakeela igogailu soziala?
\n– Imajinatzen al duzue zer nolako eragin kulturala izan genezakeen gaur egun jada munduko hautazko kulturarik garrantzitsuena bagara?
\n– Ba al dakizue gatazka sozialik gutxien duen Europako herrialdeetako bat izan gaitezkeela?<\/p>\n

Noizko? Dena lotuta<\/strong><\/p>\n

Aurreprodukzioa 2013ko apirilean egingo dute, grabaketak 2013ko maiatzetik ekainera, postprodukzioa 2013ko uztailetik abendura eta beraz, estreinaldia: 2014ko urtarrilean. Dena prest 2014ko galdeketan buruak berotzeko. Filma ateratzen dutenean komentatuko dugu blog honetan.<\/p>\n

Facebooken ere hasi dira<\/a> independentziaren aldeko lan horretan. Aipu borobilak inprimatuta dauzkaten irudiak modan jarri dira Facebooken azken aldian, eta L’Endema-koak halako material independentista zintzilikatzen hasi dira. Hemen adibide bat.<\/p>\n

\""Askatasuna<\/a>

“Askatasuna ez da garestia gutxi dagoelako, baizik eta garestia da irabazi egin behar delako”.<\/p><\/div>\n