{"id":3670,"date":"2014-05-22T09:38:22","date_gmt":"2014-05-22T09:38:22","guid":{"rendered":"http:\/\/www.argia.eus\/blogak\/lander-arbelaitz\/?p=3670"},"modified":"2014-05-22T09:38:22","modified_gmt":"2014-05-22T09:38:22","slug":"zapatistak-ez-daude-bakarrik-aldarrikatu-dute-mundu-mailan-irakasle-baten-hilketaren-ondoren","status":"publish","type":"post","link":"https:\/\/blogak.argia.eus\/lander-arbelaitz\/2014\/05\/22\/zapatistak-ez-daude-bakarrik-aldarrikatu-dute-mundu-mailan-irakasle-baten-hilketaren-ondoren\/","title":{"rendered":"“Zapatistak ez daude bakarrik” nazioarteko aldarrikapena, irakasle baten hilketaren ondoren"},"content":{"rendered":"
\"Sarean<\/a>

Sarean zabaldu diren irudiak.<\/p><\/div>\n

Mundu osoan elkartasun ekintzak antolatu dituzte Jos\u00e9 Luis Sol\u00eds L\u00f3pez zapatistaren hilketa salatzeko. Galeano<\/em> gisa ezagunagoa zen irakaslea, indar paramilitarrek hil zuten hilabete hasieran Txiapasen. Nazioarteko elkarte eta norbanakoek<\/a> babesa eman diote komunitate zapatistari eta protestak antolatu dituzte: Mexikoko hainbat hiritan, Grezian, Txilen, Costa Rican, AEBetan, Argentinan eta Italian eragileek elkartasun komunikatuak argitaratu dituzte. Norbanakoen artean, besteak beste, Angela Davis, Noam Chomsky eta Naomi Kleinek babesa adierazi diete, batzuk aipatzearren. Euskal Herrian ere Txiapasekiko Elkartasun Sareak hilketa salatu du<\/a>.<\/p>\n

\"Galeano<\/a>

Galeano Vive<\/p><\/div>\n

Maiatzaren 2an Galeano<\/em> irakaslea hil zuten Txiapaseko La Realidad komunitatean. Zapatistek beste komunitate indigena batzuekin bilera antolatua zuten, eta bezperan izan zen. Galeano escuelita<\/em> bateko irakaslea izan zen. Bertan mundu osotik joandako milaka pertsonari beren baloreak eta bizimodua erakutsi zizkieten. Topatu.info-ko blogari Onintza Rojasek bertan egoteko zortea izan zuen eta bi artikulutan (hemen<\/a> eta hemen<\/a>) kontatu zuen esperientzia.<\/p>\n

Zapatistek komunikatua atera dute<\/a>. Bertan, gertatuaren beren bertsioa kontatzen dute. Hemen pasarte bat.<\/p>\n

Ongi prestatutako zerbait izan zen: lehenengo eskola eta ospitalea suntsituz probokatu zuten, aldez aurretik jakinda gure kideek ez zutela armarik eta beren esfortzuz umilki eraikitakoa defendatzera joango zirela; ondoren erasotzaileek lekuak hartu zituzten, eta amaieran gure kideei tiro egin zieten. Segada horretan gure kideak zauritu zituzten. Galeano kideari gertatu zaiona izugarria da: bera ez zen segadan erori, 15 edo 20 paramilitarren artean inguratu zuten (bai, hala dira, beren taktikak paramilitarrenak dira); Galeanok buruz buru borroka egiteko erronka bota zien, armarik gabe; eutsi egin zuten eta alde batera eta bestera ibili zen, bere arerioen kolpeei iskin egiten, armarik gabe. Ikusi zutenean ezin zutela berarekin, tiro egin zioten hankara eta lurrera erori zen. Horren ondoren, basakeria etorri zen: bere gainera salto egin, astindu eta matxetearekin jo zuten. Bularrean tirokatutako beste bala batek hilzorian utzi zuen. Kolpeka jarraitu zuten. Eta oraindik arnas hartzen zuela ikusita, koldar batek tiro egin zion buruan.<\/p><\/blockquote>\n

Zapatistak hiltzaileak aurkitzen ari direla argitaratu dute. Bitartean, Mexikoko autoritateek, bi pertsona atxilotu dituztela irakur dezakegu<\/a> Chiapas Paralelo<\/em> gunean.<\/p>\n

Nazioartetik familia zapatistekin aste batzuk pasatzera joandakoei 2013ko abuztuan egindako agur ekitaldian, Galeanok irakurritako hitzak biltzen dituen bideoa.<\/p>\n