{"id":5062,"date":"2016-11-16T20:57:27","date_gmt":"2016-11-16T19:57:27","guid":{"rendered":"http:\/\/www.argia.eus\/blogak\/lander-arbelaitz\/?p=5062"},"modified":"2016-11-16T20:57:27","modified_gmt":"2016-11-16T19:57:27","slug":"altsasuko-eskandalua-15-puntutan","status":"publish","type":"post","link":"https:\/\/blogak.argia.eus\/lander-arbelaitz\/2016\/11\/16\/altsasuko-eskandalua-15-puntutan\/","title":{"rendered":"Altsasuko eskandalua: Zer dago zirku mediatikoaren atzean?"},"content":{"rendered":"
\"Astelehen<\/a>

Astelehen gauean altsasuarrek atxiloketen aurkako protesta egin zuten. (Argazkia: Guaixe)<\/p><\/div>\n

Urriaren 15ean, herriko feria eguneko goizaldeko 5:00etan herriko taberna batean kalez jantzitako bi guardia zibilen, beren bikoteen eta altsasuar talde baten arteko liskarraren ondorioz, agenteetako batek txorkatila lesionatuta amaitu du alde batean, eta zazpi gazte espetxeratuta daude beste aldean, oraingoz. Astelehen goizean ondorengo pertsonak atxilotu zituzten: I\u00f1aki Abad, Oihan Arranz, Jon Ander Cob, Julen Goikoetxea, Jokin Unamuno eta Aratz Urruzola. Asteazkenean Adur Ramirez ere espetxeratu dute. Hamar eta hamabost urte arteko kartzela zigorra eskatzen diete bakoitzari.<\/p>\n

Kasua kokatzeko hainbat puntu laburtzen saiatuko naiz. Dokumental bat egiteko ematen du.<\/p>\n

1- Zer gertatu zen?<\/strong><\/p>\n

Bertsioak kontrajarriak dira. Urriaren 15etik bertatik, Espainiako hedabide nagusiak guardia zibilen eta beren bikotekideen aurka 50 bat lagunen “erasoaz”, “enboskadaz” edo “lintxamentuaz” mintzatu dira. Altsasuarrek hurrengo eguneko prentsaurrekoan adierazi zuten ez zela lintxamendurik izan<\/a> eta agenteek taberna batean probokatutako liskarra izan zela. Guardia zibiletako baten bikoteak gau horretan bertan zioen “erasotzaileak” sei lagun zirela, Nafarroako Foruzaingoari egindako testigantzan. Gau horretan ere, bi lagun atxilotu zituzten Altsasun eta Foruzaingoak kargatu ere egin zuen atxilotuen askatasuna eskatzeko koartelaren aurrean bildu ziren herritarren aurka.<\/p>\n

\"Guardia<\/a>

Guardia zibilak Altsasun.<\/p><\/div>\n

Albisteak hautsak harrotu zituen eta Espainiako presidente Mariano Rajoyk ere adierazpenak egin zituen guardia zibilei “babes osoa” eskaintzeko. “Ez da inpunitaterik izango”<\/a>, esan zuen. Alderdi politikoen artean, Sortu izan da lehen unetik<\/a> atxilotuak babestu dituen alderdi bakarra, eta Nafarroako Gobernuak lehen unetik erasoa gaitzesteaz gain, guardia zibilei babesa adierazteko urriaren 18ko kontzentraziora kide bat bidali zuen<\/a>. Gerora, Nafarroako Podemosek ere atxiloketak gaitzetsi ditu<\/a>, nahiz eta alderdiaren Madrilgo egituretatik kontrako norabidean hitz egin<\/a>, Guardia Zibilaren bertsio ofiziala bere eginez.<\/p>\n

Asteburu horretan manifestazioan 2.000 lagunetik gora bildu ziren “muntaia polizialik ez, utzi pakean Altsasu” lemapean. Espainiako hedabide nagusiek ordea, Covite ETAren biktimen elkarteko lau lagunek Guardia Zibilaren aldeko mezuak nola zabaldu zituzten bilakatu zuten albiste<\/a>. Manifestazioan Guardia Zibilaren patrol bat sartu zenean Gara<\/em>ko kazetari Aitor Agirrezabalek ateratako argazki hau biral bilakatu zen.<\/p>\n

\n

Erdian sartu da patrol bat, baina laster alde egin du. "Ni se os quiere, ni se os necesita" oihuak #Altsasu<\/a> pic.twitter.com\/tbivhATICU<\/a><\/p>\n

— Aitor Agirrezabal (@aagirrezabal) October 22, 2016<\/a><\/p><\/blockquote>\n