{"id":5186,"date":"2017-06-27T13:03:54","date_gmt":"2017-06-27T11:03:54","guid":{"rendered":"http:\/\/www.argia.eus\/blogak\/lander-arbelaitz\/?p=5186"},"modified":"2017-06-27T13:03:54","modified_gmt":"2017-06-27T11:03:54","slug":"amsterdamgo-meatze-konpainia-bat-blokeatu-dute-ehunka-lagunek-klima-aldaketaren-aurka","status":"publish","type":"post","link":"https:\/\/blogak.argia.eus\/lander-arbelaitz\/2017\/06\/27\/amsterdamgo-meatze-konpainia-bat-blokeatu-dute-ehunka-lagunek-klima-aldaketaren-aurka\/","title":{"rendered":"Amsterdamgo meatze-konpainia bat blokeatu dute ehunka lagunek klima aldaketaren aurka"},"content":{"rendered":"
\"Ekintzaileek<\/a>

Ekintzaileek Amsterdamgo portuko enpresa erraldoi bat blokeatu dute egun oso batez, klimari egiten ari den eragina salatu asmoz. Argazkia: Marc Driessen<\/p><\/div>\n

300 bat lagunek desobedientzia zibila praktikan jarriz Amsterdamgo portuko OBA meatze-konpainiaren jarduna gerarazi dute larunbatean, 9:00etatik 18:00ak bueltara arte. Code Rood<\/em> izeneko ekimenak<\/a>, alarma gorria<\/em> euskaraz, klima aldaketaren larritasuna azaleratu nahi izan du. <\/p>\n

Erregai fosilen erabileraren aurkako jarreratik abiatuta, lau eguneko klima kanpaldia egin dute. Azken egunean ekintza desobedientea aurrera atera dute Amsterdamgo portuan, zuriz jantzitako 300 lagun instalazioetan sartu eta makinetara helduz. Zuzenean egin zuten kontakizun honetan irakur daitekeenez<\/a>, protesta egunean makinak ez zituzten abiarazi. “Gaur egun badirudi nahikoa dela erregai fosilen industria itxi nahi duzula adieraztea beraiek berehala ixteko!”.<\/p>\n

Lotura honetan ingelesez irakur daitekeen manifestu<\/a>ko pasarte batzuk jarraian:<\/p>\n

Planeta honetako bizitza guztiarentzat arriskua da klima aldaketa. Gizakiaren eraginez Lurreko tenperatura igo egin da, eta geroz eta ondorio gogorragoak ari gara pairatzen. Jende askoren bizitza, bereziki Hegoalde Globaleko jendearena, dagoeneko suntsitu dugu eta gora doaz desagertzeko bidean dauden animalia eta landare espeziak. Herrialde askotan, egoera sozial, ekonomiko eta politikoak okertzen ari dira eta herrialdeen arteko tentsioak ere gora doaz. Petroleoa, gasa eta ikatza lurpean utzi behar ditugu klima aldaketa geratu nahi badugu.<\/p><\/blockquote>\n

Indarrak batzen ditugunean, erregai fosilen industria txikitu eta erregai fosilik gabeko gizartea lortu dezakegu. Elkarrekin mugimendu erresilente bat eraikitzen ari gara, pauso bat aurrera ematera ausartzen dena. Klimaren arriskua hain da berehalakoa eta mehatxuzkoa \u2013eta politikari eta korporazioak konpontzeko hain gutxi ari dira egiten\u2013 beharrezko eta justifikatua ikusten dugula eskala handiko protesta publikoetatik eskala handiko desobedientzia zibilera igarotzea. Ez dugu onartuko industria honen aurkako gure erresistentzia helburu atzerakoi edo nazionalistekin lotzeko saiakerarik, eta indarrez gaitzetsiko dugu.<\/p><\/blockquote>\n

Desobedientzia zibila aldaketa soziala indartzeko lege eta arau batzuk deliberatuki haustea da. Erabat konbentzituta gaude ekintza forma hau erabiltzea klima aldaketa geratzeko beharrezko pauso legitimoa dela. Gure ekintzarekin alarma jo nahi dugu gizarte osoarentzat: zutik! Soilik erresistentzia masiboaren bidez lortuko dugu erregai fosilen aroa amaitzea. Beharrak ez du legerik.<\/p><\/blockquote>\n

Industria fosilen aurka eta klimaren alde ari den mundu mailako mugimenduaren parte gara. Mundu osoko jendea zutik jartzen ari da klimaren alde.<\/p><\/blockquote>\n