{"id":554,"date":"2012-05-18T17:05:23","date_gmt":"2012-05-18T16:05:23","guid":{"rendered":"http:\/\/www.argia.eus\/erredakzio-mahaia\/lander-arbelaitz\/?p=554"},"modified":"2012-05-18T17:05:23","modified_gmt":"2012-05-18T16:05:23","slug":"twitter-euskaraz-izango-dugu-eta-orain-zer","status":"publish","type":"post","link":"https:\/\/blogak.argia.eus\/lander-arbelaitz\/2012\/05\/18\/twitter-euskaraz-izango-dugu-eta-orain-zer\/","title":{"rendered":"Twitter euskaraz izango dugu, eta orain zer?"},"content":{"rendered":"
\"Twitter

Twitter euskaraz eskatzeko kanpainaren irudietako bat<\/p><\/div>\n

Joan den ostegunean Twitter euskaraz izango dugula jakinarazi ziguten<\/a>. Berri onak dira, dudarik ez; halere, ez pentsa mundua aldatuko zaigunik, ezta erabaki honek euskara salbatuko duenik ere.<\/p>\n

Hala ere, era eskematiko batean, hamar gogoeta zuekin partekatu nahi nituzke:<\/p>\n

1- Edozein tresna edo menu euskaraz izatea baino garrantzitsuagoa da tresna horren erabiltzaileak euskaraz aritzea bertan.<\/p>\n

2- Twitter bezalako mundu mailako enpresa batek gure kanpainengatik bere ateak euskarari irekitzea garaipen<\/del> lorpen bat da (erabat ados<\/a>). Egun 28 hizkuntzatan dago sare soziala, eta gainontzeko seiak gehitzen dizkiotenean, katalana eta euskara izango dira estaturik ez duten hizkuntza bakarrak, eta horietan guztietan, euskara txikiena Sustatuk gogoratu duenez<\/a>. Bada zerbait.<\/p>\n

3- Garrantzitsua da, tresna hauek batez ere gazteok erabiltzen ditugulako, eta gazte-gaztetatik halako tresnak euskaraz izateak eragin bat duelako bakoitzak hizkuntza bati buruz duen pertzeptzioan. Nire ustez, orain indar egin behar genuke jada itzulita dauzkagun tresnak euskaraz erabil ditzaten euskaldun osoek, eta baita ulertu behintzat egiten dutenek. Euskaraz bizi garenon zirkuloa handitu behar dugu.<\/p>\n

4- Ez digute sarea ireki “hizkuntza minorizatuaren” diskurtsoa erabili dugulako, ez gure hizkuntza salbatzeagatik ere; beraientzat merkatua gara, interesa erakutsi dugu eta erabiltzaile deseroso bihur gintezkeelako egin dute. Ezer gutxi lor daiteke mehatxuekin, baita pena ematea helburu duten mezuekin ere. Proposamenak dauka indarra, baita merkatuaren zati bat galtzeko beldurrak ere.<\/p>\n

5- Lehen aldiz tuiteatzen hasten den jende berri guzti hori, inguruak bultzatuta, euskaraz tuiteatzen hastea bultzatu behar dugu. Unibertsitatean bi pertsonak elkar ezagutzen dutenean lehen hitza euskaraz egiten badute, probabilitate haundiz bizi osoan zehar euskaraz egingo duten bezala. Bakoitzak egin dezake hor ahal duena inguruan eragiteko.<\/p>\n

6- Hizkuntzaren alde oso jende ona ari da lanean bai kalean eta baita sarean ere. Badirudielako Twitterreko kanpainagatik batzuk aipatzen gaituztela<\/a>, aitortu behar zaie beren lana Wikipedia<\/a>, Librezale<\/a> edo Azpitituluak.com<\/a> bezalako ekimenei, horiek etengabe eta oso modu eraginkorrean ari baitira lanean, software librearen esparruan. Dabide Martinezek twitterreko albistea zabaldu zenean esan zuen bezala<\/a>, ongi legoke indar metaketa hau eta kontzientziazio hau software librearen itzulpenak eta erabilera bultzatzeko ere bideratzea. Horretan lagundu nahi duenak jo dezala aurretik aipatu ditugun erreferentzia horietara eta ziur beso zabalik hartuko dutela.<\/p>\n

7- Twitter mundu mailako tresnarik garrantzitsuenetakoa da Google, Facebook, Youtube, WordPress eta abarrekin batera. Euskaraz dauzkagu, eta ziur nago hurren datozenak pixkana euskarari leku egitea geroz eta gutxiago kostako zaigula. Dena den, euskaldunok borrokatzera kondenatuta gaude, eta jendea erre gabe, halako kanpainak egiten jarraitu behar genuke.<\/p>\n

<\/strong>8- Sareak gero eta aukera gehiago ematen ditu kanpaina kolektiboak bultza eta indarrak biltzeko. #twittereuskaraz<\/em>-ekin erabili genuen Act.ly<\/a> aukera bat da, baina arazo teknikoak izan zituen eta ez zuten konpondu nahi izan. Hala ere, Change.org<\/a> da egun esparru honetan webgune garrantzitsuena. Nahi dugunerako erabil dezakegu. Facebookeko orriekin berdin.<\/p>\n

9- Vicent Partalek zioen bezala: “Hizkuntza bat ez da normalizatzen soilik barrura begiratuta, kanpora ere egin behar da”. 10 minutuko hitzaldi hau oso inspiragarria da<\/a>, Sareko Argiaren 10. urteurrenean Donostian eman zuena.<\/p>\n