{"id":834,"date":"2013-01-17T11:51:37","date_gmt":"2013-01-17T11:51:37","guid":{"rendered":"http:\/\/www.argia.eus\/blogak\/lander-arbelaitz\/?p=834"},"modified":"2013-01-17T11:51:37","modified_gmt":"2013-01-17T11:51:37","slug":"kanadako-indigenen-oihua-zabaltzen-doa-idle-no-more","status":"publish","type":"post","link":"https:\/\/blogak.argia.eus\/lander-arbelaitz\/2013\/01\/17\/kanadako-indigenen-oihua-zabaltzen-doa-idle-no-more\/","title":{"rendered":"Kanadako indigenen mugimendua eta haserrea zabaltzen ari dira: ‘Idle No More’"},"content":{"rendered":"
\"Idle<\/a>

Idle No More mugimenduko kideak errepide bat mozten.<\/p><\/div>\n

Ipar Amerikan bizi diren indigena komunitate gehienak batu dira eta azken hamarkadetan aurrera eraman duten borrokarik sendoenean kontzentratuta daude.\u00a0Idle No More<\/em><\/a> izenarekin bataiatu dute mugimendua, “Gehiago Geldi Ez” edo “Inaktibitate Gehiagorik Ez”\u00a0gisako zerbait.\u00a0Justizia ekologikoa, oinarrizko giza eskubideen errespetua eta erreserbetako bizi-baldintza eskasen inguruko arreta eskatzen dute, eta horretarako hainbat bitarteko erabiltzen dituzte: Manifestazioak, desobedientzia zibila, Interneteko aktibismoa, errepide mozketa, flashmobak, ekintza zuzena eta gose grebak, besteren artean. Datorren ekintza eguna urtarrilaren 28rako deitu dute.<\/p>\n

Mugimendua orain hiru hilabete sortu zen Kanadako Gobernu kontserbadorearen lege egitasmo batzuei aurre egin asmoz, eta denborarekin, etengabeko mobilizazioekin eta sarearen erabilera inteligenteari esker, oihartzun eta babes zabala izaten ari da. Figura bat ere badute, abenduaren 11tik gose greban dagoen Attawapiskat herriko buruzagi\u00a0Theresa Spence.<\/p>\n

\"Attawapiskat<\/a>

Attawapiskat herriko buru Theresa Spence, mugimenduaren aurpegietako bat bilakatu da gose grebagatik.<\/p><\/div>\n

Theresa Spence, Kanadako parlamentuaren aurrean, laugarren astean sartu da bere gose grebarekin, eta sarean #IdleNoMore mugimenduakoak egiten ari diren lan onari esker, mundu mailan oihartzuna lortzen ari dira.\u00a0Mugimenduak ilusioa piztu du gaur arte nahiko ahotsgabe sentitzen zen komunitate erraldoian. Kanadan 630 jatorrizko herri baino gehiago bizi dira, bakoitza bere kultura, hizkuntza eta ohiturekin, eta guztira Kanadako Gobernuak egindako erroldaren arabera, 698.025 indigena bizi dira (1,172,790 Wikipediaren arabera<\/a>)\u00a0asko oso egoera txarretan. Hala ere, pasibitatetik ateratzeko aldarria mugaz gaindi zabaltzen ari da eta protestak AEBetako hainbat hiritara heldu dira, mendebaldeko gobernuek jatorrizko herriei ematen dieten tratua salatzeko. Halere, indigenak ez diren herritarren babesa ere lortzen ari dira, batez ere, egiten ari diren planteamentu irekiari esker<\/a>.<\/p>\n

Bideo asko eta asko egiten ari dira, eta Youtuben Idle No More<\/em> mugimenduari buruzko informazioa topatzea oso erraza da<\/a>. Hemen azpiko bideo honetan mugimendutik herritarrei dei egiten diete indigenen subiranotasunaren aldeko iraultzarekin bat egin dezaten, hala, lurra eta ura babestuko dituztelako. Kolonizazioak aurrera darraiela diote, eta Ama Lurra babesteko ekintza zuzenera deitzen dute.<\/p>\n