{"id":634,"date":"2008-09-21T10:23:30","date_gmt":"2008-09-21T08:23:30","guid":{"rendered":"http:\/\/argia.eus\/erredakzio-mahaia\/mikel-asurmendi\/?p=634"},"modified":"2008-09-21T10:23:30","modified_gmt":"2008-09-21T08:23:30","slug":"garai-historikoak-zinemaren-antologiara-eramanda","status":"publish","type":"post","link":"https:\/\/blogak.argia.eus\/mikel-asurmendi\/2008\/09\/21\/garai-historikoak-zinemaren-antologiara-eramanda\/","title":{"rendered":"Garai historikoak zinemaren antologiara eramanda"},"content":{"rendered":"

<\/em><\/strong><\/p>\n

\"Che<\/a><\/em><\/strong><\/em><\/strong>

Che Guevararen filmaren protagonista Benicio del Toro<\/p><\/div>\n

Che El Argentino<\/em>. Zuzendaria: Steven Soderbergh<\/strong><\/p>\n

Zineman sartzean Che<\/em>ri maileguz hartu nion azken esaldia neraman buruan: \u201cEzagutzak arduratsuagoak egiten gaitu\u201d. Biografia<\/em> irakurri nuen karteldegian. Uste nuen, filma, Che <\/em>bera bezala, Bolivian amaituko zela. Filma Fidel Castro Habanan garaile sartzean amaitzen da ordea.<\/p>\n

Steven Soderbergh zuzendariak bi partetan eraiki du pelikula: txuri-beltzean eta kolorean. Bi garai eta egoera historikoak kronologikoki nabarmen bereiziz. Filmaren eraketa egokia da oso, eta Ernesto Che<\/em> Guevarak Nazio Batuen Erakundean (NBE) egin zuen agerraldi historikoaren erreprodukzioa bikaina, nire gustuko. Benicio del Tororen lehen argazkia, plano hurbila, Che<\/em> bera zela sinestarazi zidan. New Yorkeko eta NBEeko Che<\/em>ren agerraldiak, hitzaldiak barne, antologikoak izan ziren. Soderberghek eta Del Torok une historiko hura zinemaren antologiara eraman dute. Honek guztiak ez du beste partea, kolorezkoa, gutxiesten. Alabaina, inpresio batzuk emanen ditut kontrasterako.<\/p>\n

Del Tororen interpretazioa bikaina iruditzen zait. Gaztelania ez omen du ama hizkuntza, alta, zinez rol ttukuna jokatu du, jatorrizko hizkuntzan filmatu izanak asko hobesten du filma. Ingelesez edo beste hizkuntza batean entzutean asko galduko du, nire ustez. Che<\/em>ren ideologia ondo baino hobeto adierazia da txuri-beltzeko zatian hala nola kolorezkoan. Filma oso ondo filmatuta dago, berriz diot. Historiari fidel da. Fidel Castroren rolean ari den aktorea parodiaren muga-mugan badabil ere, nire gustuko.<\/p>\n

Alta bada, filma iraultzara eta ideologiara mugatua ote den nago. Che <\/em>edo Castroren ideologiak arrazoiz kritikatu izan du indibidualismoa, hots, norbanakoaren askatasun mugagabea. Alabaina, naski, filmari, teoria marxistari legez, \u2013nire ezjakintasunean diot\u2013, norbanakoaren baitan \u2013Che<\/em>renean, kasurako\u2013 gehiago arakatzea falta zaio. Gerora jakin nuen Soderberghek bigarren parte bat egina duela, Guerrilla <\/em>izenekoa. Ikusiko!<\/p>\n

Mende erdia bete duen iraultza XIX. Mendean hasi ote zen inpresioarekin utzi nuen zinema. Baina, hara, Fidel Castro, Kuba eta Iraultza mende honetakoak dira.<\/p>\n

<!–<\/p>\n