{"id":2573,"date":"2016-07-18T08:36:45","date_gmt":"2016-07-18T06:36:45","guid":{"rendered":"http:\/\/www.argia.eus\/blogak\/mikel-garcia\/?p=2573"},"modified":"2016-07-18T08:36:45","modified_gmt":"2016-07-18T06:36:45","slug":"matxitoei-hortzak-erakusten-dizkieten-ikasleen-rapa","status":"publish","type":"post","link":"https:\/\/blogak.argia.eus\/mikel-garcia\/2016\/07\/18\/matxitoei-hortzak-erakusten-dizkieten-ikasleen-rapa\/","title":{"rendered":"Matxitoei hortzak erakusten dizkieten ikasleen rapa"},"content":{"rendered":"

\u201cAske maite nazazu\u201d (\u201cEstima\u2019m lliure\u201d) da rap abestiaren izena, 16 ikasle valentziarrek idatzi eta kantatu dute eta bideoa interneten arrakastatsu zabaltzeaz gain, genero indarkeriaren aurkako lehiaketa bat irabazi du. Mezu zuzena eta indartsua du rapak (ikusi artikulu bukaeran abestia euskaratua eta bideoa).\"rap2\"<\/a><\/p>\n

Bazterketa arriskuan dauden gazteentzako Sura elkartekoak eta Lluis Vives ikastetxekoak dira ikasleak, eta Los chikos del Ma\u00edz musika taldeko Toni Mej\u00edas abeslaria izan dute bidelagun. Ikastetxe eta unibertsitateei zuzendutako lehiaketa<\/a> irabazi dute eta publikoaren saria ere eurentzat izan da, sare sozialetan proiekturik ikusiena izateagatik (ia 20.000 ikustaldi Youtuben).<\/p>\n

Kontzienteki hautatu dute zein pasarte kantatu neskek eta zein pasarte mutilek, eta argiak dira mezuak: \u201cMatxistei hortzak erakusten dizkiegu\u201d; \u201cemakume bat jotzen ari direla ikusten baduzu ezin zara isilik geratu\u201d, \u201cgure zoriontasuna askatasuna da, eta biolentziak ez du lekurik\u201d; \u201conartu ezazu, emakumea ez da zure jostailua\u201d; \u201cez dut gustuko matxitoa, ez nau inpresionatzen, beldurra ematen didala uste du, eta pena baino ez dit ematen\u201d…<\/p>\n

Rap osoa euskaratuta (behean bideoa):<\/p>\n

Ez, emakumeekin ez da jolasten,
\njotzen zaituen gizona ez da ausarta.
\nEmakumeak indartsuak gara
\neta matxistei hortzak erakusten dizkiegu.<\/p>\n

Betebehar bat dugu, misio bat,
\nikastea, egoera aldatzea.
\nEz gehiago pentsatu, erreakzionatu,
\nemakume bat jotzen ari direla ikusten baduzu
\nezin zara isilik geratu.<\/p>\n

Isiltasuna hautsi behar da,
\nsalatu, ez gorde barruan.
\nEz dugu pasiborik ez biolentorik nahi,
\ngizon justuak eta zintzoak nahi ditugu.<\/p>\n

Bere burua sarjentutzat duen gizonagandik urrundu,
\nemakumeak objektutzat tratatzen dituenarengandik.
\nErasoaren aurrean, erantzuna;
\nez min ematen duen kolperik, ez zauritzen duen hitzik.<\/p>\n

Ez zaitzala korronteak eraman,
\nezarri nahi dizkizuten baloreetatik ihes egin.
\nZure maskulinitatea auzitan jarri,
\ngizarteak inposatutako eredua apurtu.<\/p>\n

Berdintasuna egon dadila emakume eta gizonen artean,
\ninork ez diezazula esan zer egin behar duzun.
\nJotzeagatik ez zara inportanteagoa,
\nemakume izateagatik ez duzu zertan obeditu.<\/p>\n

Berdintasunean oinarritutako mundua nahi dugu,
\nkontsekuente jokatu zure bikotekidearekin.
\nGure zoriontasuna askatasuna da,
\neta biolentziak ez du lekurik.<\/p>\n

Injustiziarik ez, emakumeen aurkako erasorik ez,
\nutzi ezazu aske, ez iezaiozu esan zer egin behar duen.
\neta jazartzen duen gizona baztertu,
\nwhatsappa kontrolatzea ere erasoa da.<\/p>\n

Emakumeok elkarturik defendatzen dugu gure burua,
\nerasoaren aurrean solidaritatea.
\nIdeia justuak ditugu,
\nerrespetuaren eta berdintasunaren alde borrokatzen dugu.<\/p>\n

Onartu ezazu, emakumea ez da zure jostailua,
\nerrespeta ezazu.
\nKontrolaren erruz, gutxituz doa maitasuna,
\njeloskorkeriak eta obsesioak bikotea suntsitzen dute.<\/p>\n

Arazoak bilatzen ari bazara, guk ez ditugu nahi,
\nmaitasuna da emateko daukaguna.
\nZoriontasuna eta laguntasuna bilatu dezagun,
\nlehia gutxiago, berdintasun gehiago.<\/p>\n

Maitasuna da sentimendu bat
\nez lituzkeena pertsonak kondenatu behar,
\nmaite zaituenak ez zaitu traizionatzen.<\/p>\n

Ez dut gustuko matxitoa, ez nau inpresionatzen,
\nBeldurra ematen didala uste du,
\neta pena baino ez dit ematen.<\/p>\n