Fitxa: Frankfurteko Irratiko Orkestra Sinfonikoa. Zuzendaria: Paavo J\u00e4rvi. Bakarlariak: Christopher Park (pianoa), eta Alina Pogostkina (biolina). Egitaraua: Mozart, Bruckner, Grieg, Txaikovski eta Nielsen-en obrak. Lekua: Kursaal Auditorioa. Datak: abuztuaren 23a eta 24a.<\/p>\n
\u00a0<\/p>\n
Gustura geratu gara entzuleok asteburu honetan Musika Hamabostaldiak emandako saioekin. Orkestra on-ona denean, Frankfurteko Irratiko Orkestra Sinfonikoarekin gertatzen den bezala, gozamena totala da. Ia-ia berdin zaigu egitaraua. Soinu zaindua, gardena, gorputzduna denean, disfrutatu egiten da. Eta halaxe suertatu da kasu honetan. Bi egitarau erabat desberdin ekarri dizkigute alemaniarrek eta bietan arrakasta lortu dute.<\/p>\n
<\/p>\n
Lehenengo egunean bi obrak osatzen zuten programa, biak oso arkitektura sendodunak, eta biak oso pasionatuak, nahiz eta ukitu desberdinekin. Mozarten \u201cRe minorreko pianorako Kontzertua, KV466\u201d, bere produkzioko ederrenetako bat da, guztiz klasikoa baina ttantta dramatikoak dituena. Christopher Park piano joleak ikuspegi intimista eman zion obrari. Argi-argia da bakarlari honen digitazioa, delikatua eta apala. Ez zuen nabarmendu bere rola obran, baizik eta urtu egin zen orkestrarekin, osotasun sinfonikoa emanez interpretazioari.\u00a0 Agian distira pittin bat faltan bota genuen alde pianistikoan, baina, horren trukean, fintasuna nagusi izan zen uneoro. Kontzertuaren bigarren zatian, Bruckner-en \u201c3. SInfonia, re minorrean\u201d \u201cWagner\u201d izenekoa (Wagner-i dedikatu baitzion obra). Lan erraldoi honetan, aurreneko obran bezala, luzitu egin zen orkestraren soinu sendo eta konpaktua. Horrez gain, \u00f1abarduraz jositako interpretazioa egin zuten, doi-doiki jarraitzen baitzituzten Paavo J\u00e4rvi zuzendariaren keinuak. Propina gisa, Sibelius-en \u201cValse triste\u201d jo zuten, benetan hunkigarria.<\/p>\n
<\/p>\n
Igandeko saioa sentiberatasun eta melodikotasunaren eguna izan zen. Grieg-en \u201cDantza norvegiarrak\u201d, konpositore honen estilo nazionalistaren adibide garbia dira. Norvegiako folklorean oinarritzen diren dantza eder hauek primeran interpretatu zituzten Frankfurtekoek, taxuz eta graziaz. Baina une magikoa jarraian iritsi zen. Txaikovski-ren \u201cRe maiorreko op.35 biolin eta orkestrarako kontzertuak\u201d, hain famatu eta hain melodiatsuak, bertsio gozoa eta aldi berean indartsua izan zuen Alina Pogostkina bakarlari errusiarraren eskutik. Biolinetik ateratzen duen soinua benetan ederra da, afinazio perfektua du, eta aiurri izugarriz jo zuen uneoro. J\u00e4rvi adi-adi aritu zen orkestrarekin eta maisutasunez azpimarratu zuten bakarlariaren lana. Amaitzeko, Carl Nielsen egile daniarraren \u201c4. Sinfonia\u201d \u201cIraungiezina\u201d izenekoa interpretatu zuten. Lan honen kolore aniztasuna eta sentimendu bariatuak ezin hobeki irudikatuta gelditu ziren Frankfurteko Orkestraren bertsioan. Oso ona.<\/p>\n","protected":false},"excerpt":{"rendered":"
Fitxa: Frankfurteko Irratiko Orkestra Sinfonikoa. Zuzendaria: Paavo J\u00e4rvi. Bakarlariak: Christopher Park (pianoa), eta Alina Pogostkina (biolina). Egitaraua: Mozart, Bruckner, Grieg, Txaikovski eta Nielsen-en obrak. Lekua: Kursaal Auditorioa. Datak: abuztuaren 23a eta 24a. \u00a0<\/p>\n","protected":false},"author":13,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[30,87,107,206,387,401,493],"class_list":["post-119","post","type-post","status-publish","format-standard","hentry","category-musika-kritika","tag-alina-pogostkina","tag-bruckner","tag-christopher-park","tag-grieg","tag-nielsen","tag-paavo-jarvi","tag-txaikovski"],"yoast_head":"\n