Naiara Perez
Pentsamenduz betetako itsaso zabala da nagusi, zeinaren olatuen zipriztinek olerki eran bustitzen duten kaia. Kantuz beteak dira zelaiak, haizearen konpasaren arabera dantzan. Ideiak daude landatuta mendietan, irudimenez ureztatu eta loratutako testuak konpartitzeko. Iritziak daude pilatuta errekako harrietan, batzuk lurrera gogor eutsiz, korrontea jarraituz besteak. Askatasun izpiz batzuetan; injustizia tantez besteetan. Edo gozo-gaziaren osteko ostadar koloretsuaren argiz. Polotik polora aurkitzen dira egungo gizartearen gora beherei dagozkien gaiak, izan hezkuntzaz, hizkuntzaz, lanaz. Puntu kardinalen batean, natura, besteren batean kirola edota aisialdia bezalako gaiekin egin daiteke topo. Maitasuna hemisferioan. Ez dakigu zein latitude eta zein longitudetan aurkituko den ondorengo gaia. Koordenadak asmatu nahi? Ongi etorri fantasiazko planetara
MARTXOAK 8
Atalak: Sailkatu gabea
Eraikitzeko zimendua
beharrezkoa bada
ekar dezagun
argitara
hamarkadaz hamarkada
ezkutuan eusten digutenen taupada
Beldurraren kontrako brigada
pozez irrifarra
ilusioz begirada
mundu berri bat
egindako lanaren islada
Nahiz egoera izan larria
arma gisara irria
gara haize berria
ohiukatzeko eguna
martxoaren 8a
Ezpainak gorriak
morea bihotza
isildu nahi diguten ahotsa
bihurtuko dugu
zenbaiten amets mingotsa
Ilunetik argitara
igarotzen ari gara
astiro, behar bada
baina gelditu gabe abiada
jada entzuten da
gure burrunbada
neskak; batu plazara