{"id":911,"date":"2015-10-05T08:45:00","date_gmt":"2015-10-05T06:45:00","guid":{"rendered":"http:\/\/www.argia.eus\/blogak\/nora-barroso\/?p=911"},"modified":"2015-10-05T08:45:00","modified_gmt":"2015-10-05T06:45:00","slug":"gure-basoak-izenak-izanak-eta-borrokak","status":"publish","type":"post","link":"https:\/\/blogak.argia.eus\/nora-barroso\/2015\/10\/05\/gure-basoak-izenak-izanak-eta-borrokak\/","title":{"rendered":"Gure basoak – Izenak izanak eta borrokak"},"content":{"rendered":"
\"Zozaiako<\/a>

Zozaiako Mari basoa eta EMM – Oarsoaldeko EMM (CC by-nc-sa)<\/p><\/div>\n

Baso bat bilatzen genuen, baina ez genuen galtzeko basorik nahi,\u00a0 elkar aurkitzeko balioko ligukeena baizik; bai gure buruak, bai historiak eta bai memoriak zapalgailu bezala pasatako emakumeenak aurkitzeko.<\/p>\n

Historia eta memoria inperioen, gerren eta garaipen handien ikuspuntutik errezitatuak izan dira, bizitzari ekarpenik eman ez baina haien poltsikoak ederki betetzen dituen kantua. Ez dugu memoria hori nahi; boteretsuena, erregeena, erreginena\u2026<\/p>\n

Bizitza, liburu eta aldizkari handietan ateratzen ez dena, bestelakoa da, eta horretatik asko dakigu emakumeok.
\n
\nBaso honi Zozaiako Mari<\/strong> izena jarri diogu, 1610. urtean Logro\u00f1on gauzatutako prozesuan eraila, ziurrenik artaldetik bereizten zelako, sotanei ez jarraitzeagatik\u2026 MARIA TXOKOTE<\/strong> izena ere izan zezakeen, eskapo egiteko aukera izan zuen Pasaiako sorgina. Edo ENCARNACION NIETO<\/strong> eta FRANCISCA MARTIN<\/strong> enpresako batzordean parte hartu zuten lehen emakumeetakoak eta emakume gehiengoaz osaturiko 1920. urteko grebaren batzordean parte hartu zutenak; gizonen neurrira egindako eremuetan haien tokia izateko borrokatu zuten emakume sindikalistak.<\/p>\n

Basoari AGUSTINA OTAOLA<\/strong> \u00a0jar genizaokeen edo 1965. urtean profesionalak izan ziren inguruko erraketista batena. Hor dago ere SARA CARRACELAS<\/strong>: inork ba al daki zenbat munduko marka hautsi zituen? Edo futbol zelaietan arima uzten duten emakumeenak; \u00a0Ibaika, Pasaia eta Oiartzungo arraunlariak; eskualdean eskubaloiak eman dituen txapeldunak; eta bertsolaritzan JOXEPA ANTONIA ARANBARRI<\/strong> edo Oiartzungo LUKASIA ELICEGI<\/strong> adibidez, gizonen eremutan parte hartzeagatik bidesari handia ordaindu behar izan zutenak…. azalean dagoen baina azalarazten uzten ez duten askatasunaren defentsa<\/strong>, izan ere haien neurrira egindako iraultzen kontaketak gizonek idatziak baitira.<\/p>\n

Oroitzapen berezia MERTXE LOPEZ COTARELO<\/strong>ri eta PILAR VALLES VICU\u00d1A<\/strong>ri frankisten frontea aurrera egin ez zezan borrokatzeagatik 17 urte zituztela fusilatuak izan zirenak. Inguru hartatik ere KASILDA LA MILICIA<\/strong> zegoen; sindikalista, feminista eta milizianoa bera, gizonezko kideak atzealdean jasotzea erabaki zutenean bera frontean jarraitzea erabaki zuena. Bigarren Mundu Gerran RED COMETEk<\/strong>o emakumeak daude: horietako askok fusilatuta bukatu zuten.<\/p>\n

Ezin ahaztu gure komandoattua (muxu erraldoi bat beraientzat), eta tortura jasan duten emakumeak, gure herrian borrokaz eta errepresioaz asko dakigula. EMAKUME FEMINISTEN SARE<\/strong>ko kideak abortatu nahi zuten emakumeak Lapurdi, Xiberoa edo Nafarroa Behereko lurraldera pasatzen laguntzen zutenak. Basoaren izena BASO FEMINISTA<\/strong> izan zitekeen. Izan ere, emakumeen eskubideen aldeko bideak ibili ditugu. Baina…<\/p>\n

ZOZAIAKO MARI basoa<\/strong> deitu diogu, sutan bukatu zuten eta gu bezala desobedienteak ziren asaben omenez.<\/p><\/blockquote>\n

Oarsoaldeko Emakume Mundu Martxako kideak<\/strong><\/em><\/p>\n