{"id":234,"date":"2009-10-16T16:14:53","date_gmt":"2009-10-16T14:14:53","guid":{"rendered":"http:\/\/argia.eus\/erredakzio-mahaia\/onintza-irureta\/?p=234"},"modified":"2009-10-16T16:14:53","modified_gmt":"2009-10-16T14:14:53","slug":"itzultzaile-normalizatzaile-eta-teknikari-marjinalak","status":"publish","type":"post","link":"https:\/\/blogak.argia.eus\/onintza-irureta\/2009\/10\/16\/itzultzaile-normalizatzaile-eta-teknikari-marjinalak\/","title":{"rendered":"Itzultzaile, normalizatzaile eta teknikari marjinalak"},"content":{"rendered":"
Ilun aritu da Tiraka blogeko egorospe erabiltzailea hona ekarri dudan artikuluan, ilun eta etsita, esango nuke nik. Urriaren 8a, artikulua idatzi zuen eguna, agian, egun txarra izan zuen eta horrela aritu zen:<\/p>\n
“Oso umetatik dakit boteretsuek euren indarra menpekoak sakabanatzeko erabiltzen dutela. Hori omen da modurik egokiena indar erlazioari (goi\/behe) betiko eran eusteko. Nago ni euskararen arloan ere horrelako zeozer bizi ote dugun. Ezein gogoetaren aurretik, zera argitu behar da: euskara hizkuntza marjinala gure herrian<\/strong>, eta berdin euskararekin lan egiten dutenak ere (itzultzaile<\/strong>, normalizatzaile<\/strong>, euskara teknikari<\/strong>,..). Hortaz, gu denok menpekoak gara, eta goikoak trikimailu guztiak erabiliko ditu bakoitza geure aldetik eta mokoka ibil gaitezen. Azalduko naiz.<\/p>\n
Ni itzultzailea naiz. Euskara dut lan-tresna; eta nire eginkizuna da EAEko administrazioak sortzen dituen testuak \u2013denak gaztelaniaz- euskaraz jartzea. Dena ondo, ezta!? Ala ez? Administrazioak testuak euskaraz ere jarriz garbitzen du bere aurpegia, nahiz eta denok dakigun testu euskaratuon balioa, praktikan, hutsaren parekoa dela, alegia, jatorrizkoaren eta itzulpenaren artean denok hartzen dugula lehenengoa. Zer gara gu? Prestigio gutxiko profesio bateko langileak. Normalean eragozpen eta traba baino egiten ez duten profesionalak, euskaraz jarri behar horrek ernegatu egiten baititu agintariak”.<\/p>\n