{"id":2892,"date":"2013-11-07T16:09:27","date_gmt":"2013-11-07T16:09:27","guid":{"rendered":"http:\/\/www.argia.eus\/blogak\/pello-zubiria\/?p=2892"},"modified":"2013-11-07T16:09:27","modified_gmt":"2013-11-07T16:09:27","slug":"egin-dezagun-otoitz-fukushiman-piszina-husten-asma-dezaten-net-hurbil","status":"publish","type":"post","link":"https:\/\/blogak.argia.eus\/pello-zubiria\/2013\/11\/07\/egin-dezagun-otoitz-fukushiman-piszina-husten-asma-dezaten-net-hurbil\/","title":{"rendered":"Egin dezagun otoitz Fukushiman piszina husten asma dezaten (Net Hurbil)"},"content":{"rendered":"

Aste honetako Net Hurbilen gaia: “Egin dezagun otoitz Fukushiman piszina husten asma dezaten<\/a>“. Azaroan ekin behar diote TEPCOren langileek Fukushima Daiichiko 4. erreaktorearen erregai biltegia husteari, nahiz eta operazioa aste pare baterako atzeratu duten “Fukushima-4ko erregai biltegia husteko lanak atzeratu egin dituzte<\/a>” albistean aurreratu genuenez.\u00a0 Lurrikarak birrindutako eraikinean bi urte eta erdiz goiti egoera tamalgarrian edukitako erregaiok leku seguruago batera eramateko lanak oso izango dira konplexu eta arrisku handikoak. Mundu osoak egon behar luke haiei so.<\/p>\n

\"Zentralaren<\/a>

Zentralaren 4. erreaktorearen biltegia husteko jaso duten eraikin berria (Argazkia: Fukuleaks)<\/p><\/div>\n

Argazkiaren alboko testua, paperezko bertsioan: “Fukuleaksetik eskuratutako argazkiak erakusten du Fukushima-Daiichiko zentralaren laugarren erreaktorea. Goiko parte kolore argikoa eta eskuineko egitura grisa, horixe da erregai erabilia lekualdatzeko hilabeteotan eraikitakoa. Garabi erraldoiaren paretik ezkerrera doana da eraikin birrindua; barruan dauzka erredaktore erreaktoraren galdara, istripuaren egunean hutsik zegoena, eta justu garabiaren parean dago ditxosozko biltegi edo piszina, galdaratik ateratako 400.000 kilo erregai erabili (uranio, plutonio eta beste gai oso erradiaktiboz osatuak) beste norabait eramateko zain zeuzkatenak. Lurrikarak erortzeko zorian utzi zuen laugarren solairuan dagoen putzu hori, ura galduz, hotzik atxikitzeko arazo handiekin. Lurraren astinduekin, gainera eroritako zakarrekin eta urmaelak behin baino gehiagotan irakin duelako, erregaia osatzen duten hagak oso egoera txarrean daude, lekualdatzea zailduz”.<\/p>\n

\"Fukushima-Daiichiko<\/a>

Fukushima-Daiichiko 4. erreaktorea eta bere biltegia biltzen dituen grafikoa (Grafikoa: Fukuleaks)<\/p><\/div>\n

Fukuleaks<\/em> guneak berak, hondamendiaren jarraipen oso ona egiten duenak, eskaintzen ditu 4. erreaktorearen alboko piszinaren kokapena eta hura husteko ahaleginak hobeto ulertzen laguntzen duten argazki eta grafiko haboro. Horien artean lerroon eskuinetara dagoena. Ezkerreko karratuak biltzen du 4. unitatea zena (mugatzat ipinitako marra urdina arte): lanpara forma dauka erreaktoreak berak eta bere goikaldeko laukian dago geziz markatuta erregai usatuak dautzan piszina. Gainerako egitura guztia berria da. Marra gorriz inguratuta ageri da artikuluaren goiko argazkian material zuriz egina dagoela ikusten den estalkia: horretan daude bi garabiak, bi urte eta erdiotan arrisku bizian dauden erregai erabiliak ateratzeko baliatuko dutena.<\/p>\n

Erreportajerako erabili diren iturri eta bestelako erreferentziak:
\n– Rebelion<\/em> gunean Salvador Lopez Arnalen “Ubicados en el borde de un abismo apocal\u00edptico<\/em><\/a>”
\n– Andrea Germanosen “Fuel Removal From Fukushima’s Reactor 4 Threatens ‘Apocalyptic’ Scenario<\/em><\/a>” Common Dreams<\/em>en
\n– Frantsesezko Fukushima-blog<\/em>en Phil Ansoisen “Les risques de la r\u00e9cup\u00e9ration du combustible de l\u2019unit\u00e9 4 \u00e0 Fukushima<\/a><\/em>”
\n– Ashi Shimbun<\/em> egunkarian “Documents show government tacitly accepts TEPCO\u2019s refusal to pay for cleanup<\/a>”
\n– Firewinds<\/em> gunearen bideo honetan<\/a> Arnie Gundersen nuklearretako ingeniari famatua Akio Matsumura diplomatiko japoniarrarekin hizketan, eskatuz Fukushimako hondamendia kudeaketa TEPCO konpainia pribatuari kendu eta nazioarteko agintari eta adituen esku jar dezaten.<\/p>\n