Ukrainako gerraz idatzi behar dutenentzako egun eta aste konplikatuak. Ikusi irailaren 3a, asteazkenekoa, goizean goizetik hasita:
\n– Separatistak aurreraka ari dira Donbassen, Luhanskeko aireportua berreskuratu dute, Ukrainako armadaren 700 militar hartu preso.
\n– Petro Poroxenko eta Vladimir Putinek erabaki dute su etena, Poroxenkok esana.
\n– “Ei, lagun, kontu horrekin… Putinen orain arte esandakoa hankaz gora jarriko lukeela, alegia Errusia ez dela gatazka honetan sujet”
\n– Putinen bozeramaileak gezurtatu du su etena erabaki izana.
\n– Kieveko gobernuak aurretik Poroxenkok esana zuzendu du: bi lehendakariak ados daudela su etena abiarazteko bidea antolatzeko moduaz.
\n– Putinek jakinarazi du 7 puntuko bere bake plana.
\n– Kieveko lehen ministroak ez du ontzat hartzen Putinen bake plana.
\n– OTANek bi asteren buruan maniobrak egingo ditu mendebaldeko Ukrainan.
\n– Errusiak maniobrak egingo ditu Ukrainia inguruetan.
\n– Donbassen borrokan darraite.
\n– (Eta batek daki lerrook sarean jarri ostean 20:40an, bihar zerekin gosalduko dugu)<\/p>\n
Horrela, irailaren 2an geunden antzeko posizioetan gaude Ukrainako saltsan, Europa osoari eragiten diona, diplomazia bidez konpontzeari dagokionez. Ez da gertatzen den lehen aldia. Azken aurrekoa, joan den asteburuan: Minsken bildu Poroxenko eta Putin aurrez aurre eta denok irakurketa positiboa egin, egun pare baten bueltan Donetsk eta Luhansk eskualdeetan gatazkak gogortzen, ostiral goizerako OTANek erakutsi zitzakeela Errusia zuzenean guduetan esku hartzen erakusten zuten argazkiak (“dios, baina hau ez al da jauzi kualitatiboa?”)… baina larunbaterako krisi diplomatiko eta agian militar larria zirudiena barruko orrietara pasa zen paperezko prentsan, estualdia gainditua zen seinale. Bi egunen buruan, antzeko karrusela, oraingoan dramatismo handiagoz.<\/p>\n