Joan den larunbatean, Alkizako Ur mara museoan, Thoreauren txoriak aurkeztu genituen. Pasarte batzuk partekatu ondoren, José Ignacio Foronda editorekideak Emersonen entsegu batean topatutako poema bat irakurri zuen, J. L. García Martinek egindako bertsioan (jatorrizkoarekin batera, hemen paratu nuen).
Gero Koldobika Jauregik eginiko Hitzaren babesari bisita egin genion: basoko txoriak entzuteko toki aparta!
Emersonen testua honela euskaratu dut, egun horretaz gogoratzeko:
Gauza guztiek jarduten dute
beren historia izkiriatzeko
harri koxkorrak eta planetak
beren itzala dute jarraika
menditik eroriko harkaitzak
idazten ditu
ibaiak nola
lurrean bere ibilbideak
animaliek beren hezurrak
ikatzean bere hilartitz soila
garoak eta arrainek dute
eta harean edo harrian
erorian ur tanta bakoitzak
eskultura bat zizelkatzen du
elurra edo zorua ukitu
eta zure oinak inprimatzen du
zure martxaren mapa sotila.