{"id":37,"date":"2013-11-16T19:13:04","date_gmt":"2013-11-16T17:13:04","guid":{"rendered":"http:\/\/www.argia.eus\/blogak\/ruben-sanchez\/?p=37"},"modified":"2013-11-16T19:13:04","modified_gmt":"2013-11-16T17:13:04","slug":"martxoaren-3a-gasteizen-inoiz-zimeldu-ez-den-lorea","status":"publish","type":"post","link":"https:\/\/blogak.argia.eus\/ruben-sanchez\/2013\/11\/16\/martxoaren-3a-gasteizen-inoiz-zimeldu-ez-den-lorea\/","title":{"rendered":"Martxoak 3, Gasteizen inoiz zimeldu ez den lorea"},"content":{"rendered":"

Gaur bi bertso bota ditut Martxoak 3<\/a>-ko elkartekoek gonbidatuta, elizaren ondoko parkean ezarri den eskulturako inaugarazio-ekitaldian.
\n\"\"Latza da inguruak hartu duen itxura. Betiko monolitoari -Martxoak 3ko plazakoari-, pareko parkean altxatutako eskulturak laguntzen dio gaurtik aurrera.<\/p>\n

\"\"Bertan gasteiztar langileen izen eta aurpegiak daude: Pedro Maria Martinez Ocio, Francisco Aznar, Romualdo Barroso, Jose Castillo eta Bienvenido Pereda; eta baita Gasteizko sarraskia salatzeko mobilizazioetan Tarragonan hil zuten Juan Gabriel Rodrigo eta Basaurin hil zuten Vicente Ant\u00f3n Ferrerorenak ere. 7 hiladakoen senideak bertan izan dira, lehen aldiz Tarragona eta Basaurikoekin denak batera, beraiek desestali dute eskultura.
\n\"\"Hau dena gutxi balitz, parkearen alde bateko eraikinean, berriki egin den horma-irudi erraldoia dago, eta ezin ahazturik Martxoak 3 elkarteak dinamizatzen duen “M3 Memoria Gunea” ere badagoela bertan.<\/p>\n

Maiz izan gara kantatzen bertsolariak Martxoak 3koek urtero antolatutako manifestazio eta ekimenetan. Gaur udalaren gehiengoak babestutako ekimena izan da eta PNV, PSOE, PP eta EHBILDU estreinekoz batera agertu dira halako batean, -Martxoak 3ko sarraskia gogorarazteko ekimenak babestu ohi dituzten herritar, sindikatuetako kide eta ohiko eragileekin batera-.<\/p>\n

Uste dut aurrera pausu bat izan dela, baina hala izan arren, Martxoak 3 elkartekoek, oso argi dute oraindik oso urrun gaudela, biktima gisa dagokien aitortza, justizia eta erreparazioa lortzetik. Gaur bertan iragarri dute Argentinara joango direla Franquismoa auzipetzeko ahaleginean ari direnei laguntzera, Mar\u00eda Servini de Cubr\u00eda epaileak irekitako prozeduran.<\/p>\n

\"\"Dudarik gabe Gasteizko Zaramaga auzoko inguru hori “memoria bizi” da gaur egun bere monolito, eskultura, orma-irudi, memoria gune eta guzti. Eta hori hala baldin bada eta Gasteizko udalaren gehiengoaren babesa lortu bada eta Gasteizko herriaren gehiengoak ahaztu ez izana lortu bada, urtero-urtero Martxoak 3koek, eta hainbat sindikatuk eta herri mugimenduk egindako lanagatik izan da.<\/p>\n

Bejon deigula!<\/p>\n

Hona nire bi bertsoak (doinua: Juana Bixenta Olabe)<\/p>\n

Zu Zaramaga, 5 min, 5 zauri,
\nTarragona minez, minez Basauri,
\nhogeitazazpi urte joan dira
\neta hemen gaude zuei begira,
\ngu oraindik zai,
\nmendekua ez dugu hartu nahi,
\nbaina justizia egitea bai!<\/p>\n

Zuen ametsa: batzar handi bat,
\namets denak sar daitezen kabi bat,
\nzuen ametsa: nagusirik ez!
\ndenon ametsak gauzatu bitez!
\nplaza batean
\nametsari eutsi bitartean,
\negongo zarete gure artean!<\/p>\n