{"id":1695,"date":"2014-07-18T09:49:26","date_gmt":"2014-07-18T09:49:26","guid":{"rendered":"http:\/\/www.argia.eus\/blogak\/urko-apaolaza\/?p=1695"},"modified":"2014-07-18T09:49:26","modified_gmt":"2014-07-18T09:49:26","slug":"patronoak-gipuzkoako-batzar-nagusiek-proposatzea-aurreikusten-du-kutxaren-estatutu-zirriborroak","status":"publish","type":"post","link":"https:\/\/blogak.argia.eus\/urko-apaolaza\/2014\/07\/18\/patronoak-gipuzkoako-batzar-nagusiek-proposatzea-aurreikusten-du-kutxaren-estatutu-zirriborroak\/","title":{"rendered":"Patronoak Gipuzkoako Batzar Nagusiek proposatzea aurreikusten du Kutxaren estatutu zirriborroak"},"content":{"rendered":"
\"Kutxan<\/a>

Kutxan Batzar Orokorrik ez litzateke izango eta patronatuko kideek izango lukete agintea.<\/p><\/div>\n

Kutxak udazkenean du asmoa banku-fundazio bihurtzeko. Estatutuen proiektuak dio Gipuzkoako Batzar Nagusiek proposatuko dituztela fundazioan aginduko duten patronoen izenak. Baina adostasunik egon ezean, patronatuak egingo ditu izendapenak.<\/p>\n

ARGIAk Kutxako estatutu berrien gaztelaniazko zirriborroa eskuratu ahal izan du<\/a>. Ekainaren 30ean banku-fundazio bihurtu ziren BBK eta Vitalek ez bezala, hainbat mekanismo aurreikusten ditu Kutxak, patronatuak herritarren ordezkaritza egokia izan dezan.<\/p>\n

\u201cHerritarren borondatearen ordezkariak\u201d proposatu…<\/b><\/p>\n

Estatutuen 18. artikuluak dakar hainbeste ika-mika sortu duen<\/a> patronatuaren ordezkaritzaren muina:<\/p>\n

\u201cEl presidente del Patronato solicitar\u00e1 a las Juntas Generales de Gipuzkoa, como m\u00e1ximo representate de la voluntad de los ciudadanos del Territorio Hist\u00f3rico de Gipuzkoa, para que presenten, ene l plazo m\u00e1ximo de [x], 6\/12 propuestas de nombramiento de patronos titulares y 6\/12 propuestas de nombramiento de patronos suplentes\u201d<\/em><\/p><\/blockquote>\n

Era berean, Gipuzkoako Kutxabankeko langileen ordezkaritza sindikalak pertsona bat proposatzeko aukera izango luke.<\/p>\n

Diferentzia nabaria da. BBK-k eta Vitaleko patronoek euren ondorengoak zuzenean izendatu ditzakete; Kutxaren kasuan \u201cherritarren borondatearen ordezkari nagusi\u201d den instituzioari egingo zaio kasu.<\/p>\n

…baina Patronatuak azken hitza<\/b><\/p>\n

Baina izaera demokratiko hori lausotzen duten hainbat nabardura dakartza segidan estatutuen zirriborroak. Patronatuaren \u201cIzendapen eta Ordainsarien Batzordeak\u201d atzera bota ditzake Batzar Nagusien proposamenak, ikusten badu ez dituztela baldintzak betetzen. Era berean, batzarkideak ados jarriko ez balira patrono berriak proposatzeko, patronatuak berak zuzenean izendatuko lituzke.<\/p>\n

Presidentea patronoek aukeratuko dute boto bidez, horretarako gehiengo osoa beharko du lehen bozketan, hala gertatuko ez balitz,bigarrengoan boto gehien ateratzen duen hautagaia izango da presidente eta berdinketa kasuan, patrono zaharrenak izango du azken hitza.<\/p>\n

Karguan dohain, baina dieta finko batekin<\/b><\/p>\n

Kutxetako ordezkariek behin baino gehiagotan esan dute patronoek ez dutela soldatarik izango. Kutxaren kasuan ere hala izango omen da; estatutuek hitzez hitz hau esaten dute: \u201cPatronoak dohainik arituko dira euren karguan\u201d. \u00a0Segidan ordea, salbuespenak datoz:<\/p>\n