{"id":2344,"date":"2015-06-17T21:42:20","date_gmt":"2015-06-17T21:42:20","guid":{"rendered":"http:\/\/www.argia.eus\/blogak\/urko-apaolaza\/?p=2344"},"modified":"2015-06-17T21:42:20","modified_gmt":"2015-06-17T21:42:20","slug":"euskal-herriko-koop57-eratuko-dute-larunbatean-ondarroan","status":"publish","type":"post","link":"https:\/\/blogak.argia.eus\/urko-apaolaza\/2015\/06\/17\/euskal-herriko-koop57-eratuko-dute-larunbatean-ondarroan\/","title":{"rendered":"Euskal Herriko Koop57 eratuko dute larunbatean Ondarroan"},"content":{"rendered":"

\"Koop57\"<\/a><\/strong><\/p>\n

Erakunde berriak finantza tresna giltzarria izan nahi du kooperatiba sareetan, maileguak emateko eta jasotzeko garaian bestelako filosofia batean oinarrituta.<\/p>\n

Euskal Herriko Koop57k<\/a> larunbata honetan ekingo dio osotasunez bere ibilbideari, egun horretan onartuko du Kataluniako Coop57ko<\/a> kontseilu errektoreak erakunde gisa, Ondarroan egingo den ekitaldi batean. Ondoren, berriki abian jarri den Arrigorri ostatu jatetxe kooperatiboan elkartuko dira denak bazkaritan.<\/p>\n

Ekitaldiaren prestaketa lanak bezperan hasiko dira ordea, Coop57k beste herrialdeetan dituen 40 bat ordezkari helduko baitira Ondarroara, elkarren arteko harremana indartu eta solasteko. Hain justu, ekainaren 19an 20 urte beteko ditu Kataluniako Coop57k, 1995an Bruguera argitaletxetik kaleratutako langile batzuen ekimenari esker sortua. Horrek guztiak esangura berezia emango dio Ondarroako topaketari.<\/p>\n

Bi urte lanean<\/strong><\/p>\n

Ofizialki ekainaren 20an eratuko den arren, Euskal Herriko Koop57ko kideek bi urte daramatzate lanean finantza tresna alternatibo bat izateko egitasmoa aurrera ateratzen. Orain arte, mailegu eskaerak jaso, datuak bildu eta horiek kudeatzen zituzten, baina Kataluniako Coop57ko organoen onespena behar izaten zuten.<\/p>\n

Larunbatetik aurrera, Euskal Herriko erakundeak bere batzorde soziala eta teknikoa izango ditu, bideragarritasun planak egin eta erabakiak autonomia osoz hartzeko. Liher Gonzalez Koop57ko kideak ARGIAri azaldu dionez, Kataluniako erakundea plataforma egokia izan da \u201cbatez ere denbora aurrezteko\u201d. Normalean urte askotako lana izan behar lukeena, urte eta erdian egin ahal izan dute, jadanik gorpuztuta dagoen Kataluniako proiektuan oinarrituta.<\/p>\n

\u201cKataluniako Coop57ren bokazioa ez da inoiz izan herrialde hartatik kanpora irtetea, ezagutzen ez duten eremua baita \u2013dio Gonzalezek\u2013. Iniziatibak tokian tokiko eragileen esku egon behar du\u201d.<\/p>\n

Zein helburu ditu? <\/strong><\/p>\n

Finantza kooperatibako kideak gelditu gabe ari dira lanean euren proiektua azaltzen: \u201cGauza konplexua da, filosofia aldaketa handia dakar eta jende askori kosta egiten zaio ulertzea\u201d dio Gonzalezek. Baina helburuak oso garbi dituzte: kooperatiba sareetan finantza tresna giltzarria izan nahi dute.<\/p>\n

\"https:\/\/pbs.twimg.com\/media\/CCyaZsGWEAAVJJE.jpg\"Esparru horretatik haragoko eragileekin ere ari dira elkarlanean. Hala, berrikitan Udalbiltzarekin hitzarmena sinatu dute<\/a>, udalerrietan energia berriztagarrien inguruko proiektuak martxan jartzeko. Zerbitzu publikoari izaera kooperatibo eta komunitarioa ematea da horren gakoa: gestioa publikoa izango da, baina kontrola komunitatearen gain egongo da.<\/p>\n

Nola funtzionatzen du?<\/strong><\/p>\n

Koop57 \u201cinstrumentu parabankario\u201d bat da Gonzalezen hitzetan. Ez du Fiare banku etikoaren moduan banku-fitxarekin operatzen, ez dauka aukerarik kutxazainak eta bestelako finantza produktuak edukitzeko, baina aldi berean ez ditu Espainiako Bankuak ezarritako araudi eta interes-tipoak kontuan eduki behar.<\/p>\n

Batetik, bazkide laguntzaileak ditu, aurrezten duten pertsonak. Urtero, asanbladan adostutako zenbateko bat jaso dezakete horren truke. Bestetik, zerbitzu bazkideak daude, hauek aurreztu dezakete, baina maileguak jaso ere bai; kooperatibak, GKEak eta halakoak izan ohi dira. Dena den, ez dira soilik eragile kolektiboak finantzatzen, autonomoen beharrak ere kontuan edukitzen dira helburu soziala badute: \u201cZergatik ez lagundu kontsumo talde bat hornitzen duen baserritarra?\u201d.<\/p>\n

Mailegua ematen da, ez abalatzen duenaren aberastasunaren arabera, abal mankomunatu pertsonalen bidez baizik. \u201cDemagun 50.000 euroko mailegua behar duzula; 1.000 euro abalatzeko prest dauden 50 pertsona beharko zenituzke\u201d, dio Koop57ko kideak. Hala, mailegua eskatzen duen horrek, hasi aurretik jada baditu babesleak proiektuan sinetsi eta hori zabaltzeko prest daudenak.<\/p>\n

Mailegua ordaindu ezin den kasuetan, ordura arte amortizatutakoa deskontatzen da eta abalatzen dutenek gainerakoa ordaindu beharko lukete, baina interesik eta halakorik gabe. \u201cArriskua txikiagoa da eta ez duzu egon behar pentsatzen zure amaren edo aitonaren etxea kenduko dizutela\u201d.<\/p>\n

Koop57ren hainbat datu:<\/strong><\/p>\n