Hau ez da Agiria, baina agiri ona da. Hori da gutxi gora-behera ETAk gaur emandako berriari\u00a0 egin zaion balorazio orokorra. Espero zen zerbait eta etorri da. Aspaldi esaten zen ETA iragarri gabeko su-eten batean zegoela, eta gaur hala zela iragarri du. Bai, badakit\u00a0 zehazki\u00a0 \u201ceraso ekintza armaturik ez burutzeko erabakia\u201d esan duela eta horrek izango duela esanahiren bat\u00a0 prozesuaren nondik norakoak gertutik eta zehatz-mehatz ezagutzen\u00a0 duenarentzat. Baina gehienontzat ez. Une honetan garrantzitsuena da atentaturik ez izatea eta\u00a0 ETAk hori bere erabakia dela jakinaraztea. Horrek ezker abertzaleak iaz Altsasuko Adierazpenarekin zabaldutako prozesuak aurrera jarraitzea ahalbideratzen du.<\/p>\n
Bai, borroka armatuaren amaiera iragarri izan balu hobe, baina bagenekien ez zela horrela izango. Eta ez bete-betean, baina neurri baten erantzuten dio Bruselako adierazpenari. Ixilpean, gainera, gehiago ere izango da, aurreko prozesuetan beti izan da horrela. Hurrengo urratsean, ETAri dagokionez bederen, hitzezko su-eten sendoa eta nazioarteko eragileen egiaztatzearena ikusi beharko litzateke.\u00a0 Hau prozesu bat da, halako diseinu bat du eta ezker abertzaleak unean uneko agerpen sendoen beharra du, sinesgarritasuna irabazten jarraitu eta Zutik Euskal Herrian esaten dena gauzatzen ari dela gizarteratzeko.<\/p>\n
Alde horretatik, gaurko eguneko gertaera garrantzitsuena zera da agian: ETAk adierazpenean esaten ez duena ezker abertzaleko zuzendaritzak Donostiako prentsaurrekoan hasiera-hasieratik zehazten duela: ETAren erabakia aldebakarrekoa da;\u00a0 ez du eperik, beraz mugagabea da; eta ez du baldintzarik.\u00a0 Ez hori bakarrik. Irakurketa politikoa ezker abertzaleko politikariek egin dute: hau prozesu demokratikoa sendotzera dator eta bizi dugun blokeoa gainditzen laguntzen du, Zutik Euskal Herrian esaten zena indarrean da eta prozesu hori atzera ezina da. Eta tresnei dagokionez, garbi utzi du Bruselako Adierazpena klabea dela. Hortik samur ondoriozta daiteke, esaten ari zaiola ETAri lehenago edo geroago bete egin beharko duela bertan adierazten dena. Baina ez berak bakarrik, jakina, baita beste eragile askok ere, batez ere Espainiako Gobernuak.<\/p>\n
Berri bikaina eta urrats sendo bat gehiago, ondorengo egunetan ere aletzen jarraituko duguna.<\/p>\n","protected":false},"excerpt":{"rendered":"
Hau ez da Agiria, baina agiri ona da. Hori da gutxi gora-behera ETAk gaur emandako berriari\u00a0 egin zaion balorazio orokorra. Espero zen zerbait eta etorri da. Aspaldi esaten zen ETA iragarri gabeko su-eten batean zegoela, eta gaur hala zela iragarri du. Bai, badakit\u00a0 zehazki\u00a0 \u201ceraso ekintza armaturik ez burutzeko erabakia\u201d esan duela eta horrek izango […]<\/p>\n","protected":false},"author":41,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[23],"tags":[244,266,626,678],"class_list":["post-684","post","type-post","status-publish","format-standard","hentry","category-politika","tag-eta","tag-ezker-abertzalea","tag-su-etena","tag-zutik-euskal-herria"],"yoast_head":"\n