{"id":11,"date":"2013-11-13T16:06:25","date_gmt":"2013-11-13T15:06:25","guid":{"rendered":"http:\/\/www.argia.eus\/blogak\/xuban-zubiria\/?p=11"},"modified":"2013-11-13T16:06:25","modified_gmt":"2013-11-13T15:06:25","slug":"casa-pound-modan-dagoen-ultraeskuina","status":"publish","type":"post","link":"https:\/\/blogak.argia.eus\/xuban-zubiria\/2013\/11\/13\/casa-pound-modan-dagoen-ultraeskuina\/","title":{"rendered":"Casa Pound: modan dagoen ultraeskuina"},"content":{"rendered":"

Ultraeskuin historiko ortodoxoarekin harremanik ez duen erakunde bat garatu da Italiako geografian zehar azken urteetan. Italiara etorri aurretik banuen \u201cCasa Pound\u201den berri, baina hona iritsita ohartu naiz talde honen indarraz eta arriskuaz. Italia iparraldeko hiri ugaritako pareta eta unibertsitateak beraien aldeko eta aurkako pintadaz josita daudela ikusi ostean\u2026<\/span><\/p>\n

\"2008tik

2008tik aurrera \u201cCasa Pound Italia\u201d izenpeko kanpaina jarri zuten martxan Erromako esperientziari proiekzio nazionala emanez.<\/p><\/div>\n

Zer da Casa Pound?<\/span><\/i><\/b><\/p>\n

Mugimendu hau bere hastapenetatik saiatu da ultraeskuineko beste taldeetatik (Forza Nuova\u2026) aldentzen. Arlo ideologikoan antzekotasunak ditu ultraeskuin tradizionalarekin (homofobia, arrazismoa,\u2026) baina bere jardun politikoan praktika erabat berritzailea jarri du martxan mugimendu faxistak. \u201cOkupazioa eta autogestioa\u201d bezalako aldarriak bere egin ditu mugimenduak. Italiarrentzat proiektu sozial eta urbanistikoa jarri dute oinarrian. Hainbat etxe huts okupatu eta konpontzen dituzte beraien jarduerak egin eta Italiako familia txiroei bizitokia eskaintzeko.<\/span><\/p>\n

Lan sozial eta gertutasunezko izaera hori izan al da beraien arrakastaren funtsa? Izan liteke, baina zer dago egiazki \u201cCasa Pound\u201den atzean? Mugimenduaren hedapena ulertzeko historiari begiradatxo bat emango diogu.<\/p>\n

Ideia eta erakundearen sorrera:<\/span><\/i><\/b><\/p>\n

Mugimendua Italiako 90. hamarkada nahasian hasiko da egituratzen. Eskuineko hainbat zirkulutako gazteria Erromako Cutty Sark pub historikoan elkartzen hasi zen momentu berean. Baina erakundearen sorrera ezin da ulertu \u201cZetazeroalfa\u201d Rock Patriota <\/em>delakoaren barruan kokatzen den musika taldea aipatu gabe. Musika taldeak bere letra eta mezu ultraeskuindarrekin \u201cCutty Sark\u201deko gazteria homogeneizatu zuenean hasi zen ibiltzen \u201cCasa Pound\u201d. Skrewdriverrek 80. Hamarkadan Ingalaterrako eszenan suposatu zuen haustura oroitarazten dit.
\n<\/span><\/span><\/p>\n

2002ko uztailean egingo du taldeak bere lehen ekintza, Erromako Via Taberina 801-eko etxe huts bat okupatu ostean. \u201cOkupazioa eta autogestioa Italiako ezkerraren tresnak zirenaren ideia suntsitu genuen\u201d zioen Zetazeroalfako kantari eta \u201cCasa Pound\u201deko lider den Gianluca Iannnok.<\/span><\/p>\n

Baina proiektu urbanistiko autogestionatua zenari, berehala eman zioten kutsu edo izaera politikoa, betiere faxismoaren oinarrietan finkatutako mezu argiarekin. Denborarekin mugimenduak \u201cetxe sozial\u201d gehiago irekitzea lortu zuen, tartean ziren Casa d\u00b4Italia Parioli<\/i> edo Casa d\u00b4Italia Etorrino. <\/i>Urtebete beranduago irekiko zituzten Area 19 <\/i>eta Il<\/i> \u00a0<\/span>Circolo Futuristad\u00b4Casal Corleone.<\/i> Faxismo berri honen hedapenak asko okertu zuen giroa Italiako hiriburuan. Hainbat hitzaldi eta mobilizazio arrazista eta homofoboren ostean mugimendu antifaxistak aurre egin zion olatu ultrari, gaur arte.<\/span><\/p>\n

\u201cCasa Pound\u201dek egiazko mugimendu soziala kolpatzen jarraitzen du eta ezkerreko militanteen aurkako erasoak sistematikoak dira, batez ere ikasle mugimenduan. Mugimendu antifaxistak beraien aurka egindako ekintzarik esanguratsuena Cutty Sark aretoaren aurkako erasoa izan zen, militante anonimo batzuk lehergailu bat jarri ostean. Ekintzak ordea, ez zuen ultraeskuinaren oldarraldiarekin amaitzea lortu.<\/span><\/p>\n

2006an emango dute hurrengo pauso garrantzitsua, Fiama Tricolore alderdi neofaxistarekin hauteskundetara aurkeztea erabaki ostean. Fiama Tricolore, Movimento Sociale Italiano alderdiaren eszisio bat da. Alderdi honek bere euro eszeptizismo sozialaren azpian Italiako mezu faxistarik gogorrena aldarrikatu izan du maiz. Esperientzia elektoralak gutxi iraun zuen, Fiama Tricolorek Ianno kanporatu ostean.<\/span><\/p>\n

Orduz geroztik bakarkako jardueran dihardu mugimenduak. 2008tik aurrera \u201cCasa Pound Italia\u201d izenpeko kanpaina jarri zuten martxan Erromako esperientziari proiekzio nazionala emanez.<\/span><\/p>\n

Zertan da gaur egun mugimendua:<\/span><\/i><\/b><\/p>\n

Bere garapenaren ondorioz askapen mugimendu eta mugimendu sozial askoren etsai nagusienetako bat bilakatu da. Amaraun faxista handia egituratu dute, horren adibide beraienak diren 5 liburutegi, 20 pub, 8 kirol elkarte, \u201cRadio Bandiera nera\u201d izeneko irratia eta internet bidezko Tortuga TV telebista. Geroz eta leku gehiagotara iristen ari dira. <\/span>Azken egunotan <\/span>\u201cCasa Pound\u201dekin lotura duen \u201cBlocco Studentesco\u201d izenekoak, hainbat eraso egin ditu Italiako unibertsitate desberdinetako ikasle mugimenduko hainbat kideren kontra. Argi dago \u201cCasa Pound\u201den bidez Italiako ultraeskuinak kalean egotea lortu duela. Geroz eta zailtasun gehiago badituzte ere, arazo larria suposatzen dute Italiako kultur aniztasun, sexu askatasun eta bizikidetzarentzat.<\/span><\/p>\n

Mugimenduaz gehiago jakin nahi izanez gero, ikusi bi bideo hauek.<\/p>\n